नेपाल रेडक्रस सोसाइटी कास्की शाखाद्वारा आयोजित तथा पोखरा–९ उपशाखाको व्यवस्थापनमा महेन्द्रपुल चोकमा आईतबार आकस्मिक खुल्ला रक्तदान कार्यक्रममा ३५ जनाले रक्तदान गरेका छन्।

रेडक्रमका गण्डकी प्रदेश संयोजक सूर्यप्रसाद ढकालले उद्घाटन गरेको उक्त रक्तदान कार्यक्रममा कास्की शाखाका मन्त्री धर्म अधिकारी, जिल्ला सदस्य दीपेन्द्र मर्सानी, उपाशाखा ९ का सभापति राजेन्द्र पहारीलगाएतले रक्तदानको महत्व दिन प्रतिदिन वढ्दै गएको वताउँदै तीन/तीन महिनामा रक्तदान गर्दा कुर्न हानी नहुने धारणा व्यक्त गरेका थिए।

उपशाखा सभापति राजेन्द्र पहारीको अध्यक्षतामा भएको कार्यक्रममा प्राविधिक सहयोग महेन्द्र केसी, यशोधरा दुरा, सुस्मिता बरालले गरेका थिए। कार्यक्रम संयोजक तथा उपशाखा कोषाध्यक्ष उत्तम जोशीले स्वागत मन्तव्य दिएको कार्यक्रमको संचालन सचिव सागर पोडेलले गरेका थिए।