पोखरा, स्टेप बाई स्टेप मावि मासबार पोखराले एक कार्यक्रम गरी २०७५ को एसइईमा सम्मिलित भई उत्तीर्ण विद्यार्थीलाई बधाई व्यक्त गरेको छ ।

संस्थापक प्राचार्य निर्मला बरालले एसइई परीक्षामा सम्मिलित सबै ७३ जना विद्यार्थी उत्कृष्ट गे्रड सहित उत्तीर्ण हुन सफल भएकोमा हार्दिक बधाइ प्रदान गर्दै उज्जवल शैक्षिक भविष्यको कामना गरिन् ।

संस्थापक निर्देशक रमाकान्त बरालले दश जोड दुई मा आफुले इच्छा गरेको र राम्रो गर्न सक्ने विषय लिई अध्ययन गर्न र आपूmले सिकेको ज्ञान र सीपलाई व्यवहारमा ल्याई आफ्नो राष्ट्रको सेवा गर्न आग्रह गरे । फिजिक्स शिक्षक एवं उपप्रध्यापक मिनराज लम्सालले यहाँ अध्ययन गरेका थुप्रै विद्यार्थीले आइओएम, इन्जिनियरिङ, कृषि विज्ञान आदिमा पूर्ण छात्रवृत्तिमा समेत नाम निकाली अध्ययन गर्न सफल भएको कुरा स्मरण गराएका थिए ।

कार्यक्रममा सह प्राचार्य दीपक गिरी,सञ्जय बराल, विमल देवकोटा, सूर्यप्रसाद लम्साल, छात्रा नीकिता गुरुङ लगायतले बधाई तथा शुभकामना व्यक्त गरेका थिए ।