पोखरा, २७ जेठ । सन्राईज बैंक रुपा गाउँपालिकाको तीन सय घरधुरीमा खेलौ बैंक खाता अभियान संचालनमा ल्याएको छ ।

सनराईज बैंकको आयोजना, रुपा गाउँपालिका र स्कूल अफ विजनेस पोखरा विश्वविद्यालय सहकार्यमा नेपाल सरकारको “समृद्धिसँग जोडौं नाता ः सबै नेपालीको बैंक खाता” अभियानलाई सफल पार्न गाउँका तीन सय घरपरिवारमा त्यस्तो खाता खोलिएको हो ।

उक्त कार्यक्रमलाइृ प्रमुख अथिति रुपा गाउँपालिकाका अध्यक्ष नवराज ओझा एवं विशिष्ट अथिति पोखरा विश्व विद्यालयका प्रध्यापक डा. रवीन्द्र घिमिरेले सयुक्त रुपमा उद्घाटन गरेका हुन् ।

रुपा गाउँपालिकाका अध्यक्ष नवराज ओझाले ग्रामिण क्षेत्रलाई समेत बैंकिङ सेवा सुविधा प्रदान गर्न बैंकले गाउँमा शाखा संचालन गरेको प्रति आभाव व्यक्त गरे । घर–घरमा निश्क्रिय रुपमा रहेका साना–सानो रकम वचत गर्ने बानीको विकास शाखाले गर्ने छ, ओझाले भने– घरेलु तथाकृषि, पशुपालन व्यवसायमा बैकले ऋण प्रवाह गर्दा आर्थिक सम्वृद्धिमा सहयोग पुग्ने छ ।

डा. रवीन्द्र घिमिरेले, पोखरा विश्वविद्यालयका विद्यार्थीलाई समेत ग्रामिण क्षेत्रको आर्थिक अवस्था वारेमा व्यवहारिक ज्ञान उपलब्ध हुने अवसरको रुपमा नेपाल सरकारको अभियानमा सहभागी भएको भनाई व्यक्त गरे ।

उक्त कार्यक्रममा रुपा गाउँपालिका उपाध्यक्ष लालसुभा गुरुङ्ग, कार्यालयका कार्यकारी अधिकृत विष्णु प्रसाद पोखरेल, वडा नं. २ का कार्यवाहक अध्यक्ष हीता कूमारी रुपाखेती लगायतले आफ्ना भनाई राखेका थिए ।

बैंकका गण्डकी प्रदेशका प्रादेशिक प्रमुख रवीन्द्र के.सी.ले बैंकले नेपाल सरकारले लिएको अभियानलाई सफल बनाउनको लागि ग्रामिण क्षेत्रमा सेवा प्रदान गर्न लागेको बताए । उक्त कार्यक्रम बैंकका देउराली शाखाका शाखा प्रमुख सुनिल ध्वज पन्तले सञ्चालन गरेका थिए भने न्यूरोड शाखाका प्रमुख नितेश रेग्मीले स्वागत मन्तब्य व्यक्त गरेका थिए।