गैंडाकोट । गैंडाकोट नगरपालिका वडा नम्बर ५ मा रहेको जनक माध्यमिक विद्यालयले ६५ औं वार्षिकोत्सव विविध कार्यक्रम गर्दै मनाउने भएको छ ।

६५ औं वार्षिकोत्सवका अवसरमा विद्यालयले सप्ताहव्यापी कार्यक्रमको आयोजना गर्दै नगरभरका शिक्षकहरूबीचको फुटसल प्रतियोगिता गत २० गते सम्पन्न गरिसकेको विद्यालयमा २४ गते गणित विषयको शैक्षिक प्रदर्शनी तथा फुड फेस्टिबल, २५ गते विज्ञान प्रदर्शनी, २६ गते अभिभावक (आमा) हरुकाबीच डोरी तान्ने प्रतियोगिता, म्युजिकल चियर लगायतका खेल र २७ गते शनिबार ६५ औं वार्षिकोत्सव समारोहमा विविध सांस्कृतिक कार्यक्रमसहित सम्मान पुरस्कार वितरण गरिने प्रधानाध्यापक चूडामणि शर्माले जानकारी दिए ।