पोखरा । करुणानिधि एजुकेसन फाउन्डेसन (केफ) माध्यमिक विद्यालय, सिम्पानीको ३० औं वार्षिकोत्सव तथा अभिभावक दिवस शनिबार सुरु भएको छ ।
वार्षिकोत्सव शुभारम्भ गर्दै शिक्षाविद् जोर्ज जोनले विद्यालयले विभिन्न कोणबाट तीव्र गतिमा प्रगति गरिरहेको चर्चा गरे । उनले लगनशील विद्यार्थीको भविष्य उज्ज्वल रहेको औंल्याए । विद्यालयका अतिरिक्त क्रियाकलापमा भाग लिन विद्यार्थीलाई आग्रह गर्दै शिक्षाविद् जोनले विद्यालय स्थापनाको स्मरण पनि गरे ।
शिक्षा विकास तथा समन्वय इकाइ कास्की प्रमुख लोकनाथ आचार्यले अभिभावक तथा विद्यार्थीको विश्वास जित्न सफल भएकोमा विद्यालयको प्रशंसा गर्दै दुखी तथा गरिबको पक्षमा विद्यालय रहेको आफूले पाएको बताए ।
त्यस अवसरमा संस्थापक प्राचार्य लोकराज भण्डारी, प्याब्सन कास्की अध्यक्ष मथुराप्रसाद पौडेल, उपाध्यक्ष उमा लामिछाने, विद्यालय अध्यक्ष रामचन्द्र पौडेल, भूपू विद्यार्थी मञ्चका कोषाध्यक्ष मदन पोखरेल लगायतले पनि बोलेका थिए ।
प्रधानाध्यापक डिल्लीराम अधिकारीले सबैको साथ सहयोगबाट विद्यालय हालको अवस्थामा आएको चर्चा गर्दै विद्यालयमा उल्लेखनीय सफलता हासिल हुँदै गएको औंल्याए ।
कार्यक्रमबीच आदर्श समाज राष्ट्रिय दैनिकका संवाददाता श्रीभद्र पौडेल, सिम्पानी टोल विकास संस्थाका अध्यक्ष गंगाबहादुर गुरुङ, स्थानीय समाजसेवी समेत रहेका पूर्व सहसचिव शिवप्रसाद पराजुली लगायतलाई सम्मान गरियो ।
त्यस्तै दीर्घसेवा पदकबाट कर्मचारी सुन्दरकली थारु तथा मानबहादुर थारु, नियमित शिक्षकबाट तिलकुमारी आचार्य पुरस्कृत भए ।
साथै, विद्यार्थीले शास्त्रीय गीत, कविता, नाटक, नृत्य, कराते लगायतका प्रस्तुति राखे । शैक्षिक एवं अतिरिक्त क्रियाकलापतर्फका पुरस्कार वितरण गर्नुका साथै विज्ञान तथा शैक्षिक सामग्रीसमेत प्रदर्शनी गरिएको थियो ।
विद्यालय अध्यक्ष पौडेलको अध्यक्षतामा भएको कार्यक्रममा विद्यार्थी खुसी दाहाल, अमृत पौडेल र अविनाश गायकले स्वागत तथा शिक्षक भानुभक्त पोखरेलले कार्यक्रम सञ्चालन गरे ।
वार्षिकोत्सव आइतबारसम्म चल्नेछ । पोखरा महानगरपालिका उपप्रमुख मञ्जुदेवी गुरुङको आतिथ्यमा हुने आइतबारको कार्यक्रममा नर्सरीदेखि कक्षा २ सम्मका विद्यार्थीका विभिन्न प्रस्तुतिसमेत रहनेछ ।
Related News
सम्बन्धित समाचार
पोखराको मालेपाटनमा डिभाइडरमा ठोक्किएर कार दुर्घटना
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
बुटवल पावर कम्पनीले ल्यायो विद्युत् महसुल बढाउने प्रस्ताव
क्षत्री समाज नेपालमा पोखराका रिव, महासचिवमा कृष्ण
hero news full width
मुख्य समाचार
यस्तो छ लगानी सम्मेलनको कार्यतालिका
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१बुढ्यौलीमा भेडीगोठ मोह
वैशाख १६, २०८१पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
वैशाख १६, २०८१जलवायु परिवर्तन असर : मुस्ताङको स्याउ उकालो चढ्दै
वैशाख १५, २०८१त्रासैत्रासमा तंग्रिदै कागबेनी
वैशाख १४, २०८१