पोखरा । पोखरा फूलबारीस्थित भाष्कर मेमोरियल स्कुलले शनिबार ३० औं वार्षिकोत्सव तथा अभिभावक दिवस मनाएको छ । समारोह उद्घाटन गर्दै कास्कीका शिक्षा विकास तथा समन्वय इकाइ प्रमुख लोकनाथ आचार्यले गुणस्तरीय शिक्षामा जोड दिँदै विद्यार्थीलाई सिर्जनशील बन्न सुझाव दिए । उनले अभिभावक तथा विद्यार्थीको विश्वास जित्न सफल भएकोमा विद्यालयको प्रशंसा पनि गरे ।
विद्यालय संस्थापक निर्देशक विश्वराज बास्तोलाले विद्यालयले व्यावहारिक शिक्षालाई आत्मसात गर्दै आइरहेको स्पस्ट पार्दै विश्वबजारको मागअनुसार नै शिक्षा दिन खोजेको औंल्याए । उनले आगामी वर्षमा सिंगारपटार तथा व्युटीसियन शिक्षालाई पनि समेट्दै जाने उल्लेख गरे ।
त्यस अवसरमा प्याब्सन कास्की अध्यक्ष मथुराप्रसाद पौडेल, अभिभावक डा. रत्नशीला बास्तोला, विद्यालय अध्यक्ष माधवी बास्तोला लगायतले पनि धारणा राखे ।
विद्यालय प्रतिवेदन प्रस्तुत गर्दै सहप्राचार्य टीकाराम पौडेलले सबैको साथ सहयोगबाट विद्यालय यहाँसम्म आइपुगेको चर्चा गर्दै शैक्षिक गुणस्तर बृद्धि विद्यालयको एकमात्र अर्जुनदृष्टि रहेको बताए । उनले विद्यालय र काठमाण्डौं विश्वविद्यालय बीचको सहकार्यलाई अझै बलियो बनाउँदै जाने पनि बताए ।
त्यस अवसरमा दीर्घसेवाबाट शिक्षक नन्दलाल सेवा, १० वर्ष पूरा गरेकोमा शिक्षक पवनप्रसाद गौतम र कर्मचारी सीता खनाल जैसी शर्मालाई नगदसहित सम्मान गरियो ।
गत वर्षको एसइईमा उत्कृष्ट नतिजा ल्याउने निश्चल अधिकारी र प्रार्थना झा पनि पुरस्कृत भए ।
कार्यक्रमबीच विद्यार्थीले नृत्य, गीत, नाटक लगायत विभिन्न सांस्कृतिक प्रस्तुति राखे । शैक्षिक एवं अतिरिक्त क्रियाकलापतर्फका पुरस्कार वितरण गरियो ।
समाजसेवी पं होमनाथ बास्तोलाको अध्यक्षतामा भएको उक्त कार्यक्रममा विद्यार्थी स्वस्तीका लामिछानेले स्वागत गरिन् । शिक्षकद्वय सुरेश बराल र सिर्जना पौडेलले कार्यक्रम सञ्चालन गरे ।
Related News
सम्बन्धित समाचार
पोखराको मालेपाटनमा डिभाइडरमा ठोक्किएर कार दुर्घटना
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
बुटवल पावर कम्पनीले ल्यायो विद्युत् महसुल बढाउने प्रस्ताव
क्षत्री समाज नेपालमा पोखराका रिव, महासचिवमा कृष्ण
hero news full width
मुख्य समाचार
यस्तो छ लगानी सम्मेलनको कार्यतालिका
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१बुढ्यौलीमा भेडीगोठ मोह
वैशाख १६, २०८१पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
वैशाख १६, २०८१जलवायु परिवर्तन असर : मुस्ताङको स्याउ उकालो चढ्दै
वैशाख १५, २०८१त्रासैत्रासमा तंग्रिदै कागबेनी
वैशाख १४, २०८१