पोखरा । आहा रारा गोल्डकप २३ औं संस्करण उद्घाटन खेलमा थ्रिस्टार क्लब विजयी भएको छ । पोखरा रंगशालामा बुधबार उद्घाटन खेलमा आयोजक सहारा क्लब पोखरालाई २–१ गोल अन्तरले पराजित गर्दै थ्रिस्टार क्वाटफाइनल प्रवेश गरेको हो ।
जितमा योगेश गुरुङले गोल गर्दै अग्रता लिँदा सहाराका अनिश तामाङले आत्मघाती गोलको उपहार दिएका हुन् । सहाराका लागि आशीष गुरुङले एक गोल गरेका थिए ।
छैटौं मिनेटमा थ्री स्टारका कप्तान योगेश गुरुङले विपक्षी गोलरक्षक टेकेन्द्र थापासँग ठोक्किएर आएको रिबाउन्ड बल गोलमा परिणत भएको हो । २३ औं मिनेटमा सहाराका लक्ष्मण रुचालको फ्रिकिकमा आशीष गुरुङले हेडमार्फत जाली चुमाउँदै बराबरी खेले । पहिलो हाफ १–१ गोलको बराबरीमा सकिएकोमा ५९ औं मिनेटमा एन्जल महर्जनको लामो फ्रिकिकमा अनिश तामाङको आत्मघाती गोलबाट थ्रि स्टारले अग्रता लियो । सहाराका डिफेन्डर अनिश तामाङले क्लियर गर्न खोज्दा जालीको चुमेको हो । यो गोलसँगै ५ पटकसम्मको आहारारा विजेता थ्रि स्टार क्वाटरफाइनलमा प्रवेश गरेको छ । थ्रि स्टारले अब १३ माघमा भुटानको पारो एफसीसँग प्रतिस्पर्धा गर्नेछ ।
खेलमा दुवै टिमले केही राम्रा अवसर खेर फाले । ३२ औं मिनेटमा सहाराका लक्ष्मण रुचालले सिधैं पोस्टमा प्रहार गरेको फ्रिकिक थ्रि स्टारका गोलरक्षक अभिषेक बरालले पञ्च गर्दै संकट टिमको टारे । ३७ औं मिनेटमा थ्रिस्टारका दीपेश आलेको प्रहार फितलो रह्यो । ४३ औं मिनेटमा सहाराका अमित तामाङले करिब ३५ यार्डबाट गरेको प्रहार फ्रेममा लागेन ।
पोखरा महानगरपालिका प्रमुख धनराज आचार्यले प्रतियोगिता उद्घाटन गरेका हुन् । उनले आहा रारा गोल्डकपलाई खेलपर्यटनसँग जोड्न सकिने बताए । २३ वर्षदेखि निरन्तर सञ्चालनमा रहेको प्रतियोगितालाई यो वर्षदेखि पोखरा महानगरले संरक्षकत्वको जिम्मा लिएर सहकार्य गरेको उनले बताए ।
२० माघसम्म संचालन हुने प्रतियोगिता विजेताले १२ लाख १ हजार र उपविजेताले ६ लाख १ हजार पुरस्कार पाउनेछन् ।
बुधबारकाे खेल राइजिङ स्टार एफसी, नवलपरासी र विभागीय टोली त्रिभुवन आर्मी एफसीबीच हुनेछ ।
आयुष सम्मानित
राष्ट्रिय खेलाडी आयुष घलानलाई सहारा क्लब पोखराले ‘सर्वोत्कृष्ट राष्ट्रिय फुटबल खेलाडी सम्मान २०८०’ बाट सम्मान गरेको छ । उद्घाटन अवसरमा घलानलाई ५० हजारसहित पोखरा महानगरकाका मेयर धनराज आचार्यले सम्मान गरे ।
राष्ट्रिय फुटबल टिमका प्रभावशाली फुटबलर घलानले यस वर्ष राष्ट्रिय तथा अन्तर्राष्ट्रिय फुटबलमा राम्रो प्रभाव छाडेका छन् ।
राष्ट्रिय तथा अन्तर्राष्ट्रिय फुटबलमा राष्ट्रको प्रतिनिधित्व गर्दै उत्कृष्ट खेल प्रर्दशन गर्ने खेलाडीमध्य एक जनालाई आयोजक सहारा क्लब पोखराले हरेक वर्ष सम्मान गर्दै आएको छ ।
सहाराका मानार्थ सदस्य खेमबहादुर गुरुङले पुरस्कार रकम प्रायोजन गर्दैआएका छन् । यसअघि ६ फुटबल खेलाडी सम्मानित भइसकेको क्लब अध्यक्ष केशवराज बरालले बताए ।
Related News
सम्बन्धित समाचार
पोखराको मालेपाटनमा डिभाइडरमा ठोक्किएर कार दुर्घटना
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
बुटवल पावर कम्पनीले ल्यायो विद्युत् महसुल बढाउने प्रस्ताव
क्षत्री समाज नेपालमा पोखराका रिव, महासचिवमा कृष्ण
hero news full width
मुख्य समाचार
यस्तो छ लगानी सम्मेलनको कार्यतालिका
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१बुढ्यौलीमा भेडीगोठ मोह
वैशाख १६, २०८१पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
वैशाख १६, २०८१जलवायु परिवर्तन असर : मुस्ताङको स्याउ उकालो चढ्दै
वैशाख १५, २०८१त्रासैत्रासमा तंग्रिदै कागबेनी
वैशाख १४, २०८१