पोखरा । सूर्यदर्शन बचत तथा ऋण सहकारी संस्था ठगी आरोप लागेका शिवबहादुर गुरुङ (महेन्द्र भोटे) पुर्पक्षका लागि कारगार चलान भएका छन् । सहकारीको पूर्व सञ्चालक समिति सदस्य उनी मंगलबार अदालतमा हाजिर भएका थिए । मंगलबार बयान र बुधबारको थुनछेक बहसपछि न्यायाधीश वसन्तजंग थापाको इजलाशले उनलाई पुर्पक्षका लागि कारगार पठाउने आदेश गरेको हो ।
उनीविरुद्ध गत ५ पुसमा कास्की प्रहरीले इन्टरपोलमार्फत डिफ्युजन नोटिसका लागि प्रहरी प्रधान कार्यालयमा पत्र पठाएको थियो । विज्ञको प्रतिवेदनमा उनले साढे ८ करोड रुपैयाँ लगेको देखिन्छ ।
उनले गोर्खा मिडिया नेटवर्कलाई सहकारीबाट ट्रान्सफर भएको ३० करोडको तमसुक रहेको र आफू पीडितको पक्षमै रहेको दाबी गरेको बयान दिएका थिए । उनीसहित सहकारी सञ्चालक समिति सदस्य भविश्वर अर्याल पनि कारागार चलान भएका छन् । उनीहरु दुवैलाई मंगलबार जिल्ला प्रहरी कार्यालय, कास्कीको हिरासत कक्षमा राखिएको थियो ।
उक्त सहकारी ठगीमा १९ जनाविरुद्ध जिल्ला अदालत कास्कीमा मुद्दा विचाराधीन छ । जिल्ला सरकारी वकिल कार्यालयले गत १८ असोजमा १९ जनालाई प्रतिवादी बनाई १ अर्ब ११ करोड ३४ लाख ४३ हजार ४५ रुपैयाँ बिगो भराई बिगोबमोजिम जरिवाना र ८ देखि १० वर्षसम्म कैद सजाय माग दाबीसहित जिल्ला अदालतमा अभियोगपत्र दायर गरेको थियो । यसअघि पक्राउ परेका सहकारी कोषाध्यक्ष कुमार रम्तेल र उपाध्यक्ष कैलाशकुमार दर्लामी पुर्पक्षका लागि थुनामा छन् । सबैभन्दा पहिला पक्राउ परेका रम्तेललाई २१ असोजमा अदालतले पुर्पक्षका लागि थुनामा पठाउने आदेश दिएकोमा दर्लामीलाई सोमबार पुर्पक्षका लागि थुनामा पठाइएको हो । दर्लामी केही दिनअघिमात्र काठमाडौंबाट पक्राउ परेका थिए ।
अझै १५ जना प्रतिवादी फरार सूचीमा छन् । सहकारी ठगीका मुख्य आरोपी संस्थापक अध्यक्ष जिबी राईसहित पूर्व अध्यक्षद्वय भूपेन्द्र राई र थानबहादुर बुढामगरविरुद्ध समेत इन्टरपोलमार्फत प्रहरीले डिफ्युजन नोटिस जारी गर्न लागेको छ । यसबाहेक सहकारी सचिव धीरजकुमार दाससहित लेखा अधिकृत सृष्टि मानन्धर, कर्जा अधिकृत बुद्धि गुरुङ, सदस्य हेमन्त अधिकारी, प्रमोद भट्टराई, अनुज नकर्मी, आइस्मा गुरुङ, कविता तामाङ, सागर केसी, ललिता तामाङ, दिनेश रोका र सुरज श्रेष्ठको पनि खोजी भइरहेको प्रहरीले जनाएको छ ।
पोखरा–४, नालाकोमुख कार्यालय रहेको सूर्यदर्शन बचत तथा ऋण सहकारी संस्थामा १८ हजार ७ सय जना बचतकर्ताको बचत डुबेको हो । मोटो रकम संकलन गरेर अन्यत्र लगानी गरेको सहकारीले गत वर्षको भदौदेखि निक्षेप फिर्ता नसकेपछि सञ्चालक फरार थिए । उक्त ठगी प्रकरणमा प्रहरीले गत ३२ साउनमा जाहेरी दिन सार्वजनिक सूचना जारी गरी १ हजार ३६ जनाको उजुरी संकलन गरेको थियो । सोबमोजिम २४ भदौमा जिबिसहित ७ जनालाई पक्राउ पुर्जी जारी गरिएको दोस्रो दिनमै रम्तेल पक्राउ परेका थिए ।
ठगी प्रकरणमा आवश्यक छानबिन गर्न पोखरा महानगर सहकारी शाखाले गठन गरेको विज्ञको प्रतिवेदनबमोजिम थप १२ गरी सहकारीका पूर्व सञ्चालक, हालका सञ्चालक, कर्मचारी लगायत गरी कुल १९ जनाविरुद्ध पक्राउ पुर्जी जारी भएको हो । बचतकर्ताले पनि गएको फागुनमा संघर्ष समिति नै गठन गरी निरन्तर आन्दोलन चर्काइरहेका छन् । महेन्द्र भोटेविरुद्ध पनि पीडितले मंगलबार अदालत परिसरमै ‘मुर्दावाद’ को नारा लगाएका थिए । संघर्ष समिति अध्यक्ष किरण श्रेष्ठले कहिले प्रशासन, कहिले प्रहरी त कहिले अदालतमा धर्ना दिने गरेको बताए । उनी भन्छन्, ‘दुखले कमाएको पैसा फिर्ता नभएसम्म र दोषीलाई कारबाही नभएसम आन्दोलन गरिरहने छौं ।’
Related News
सम्बन्धित समाचार
यस्तो छ लगानी सम्मेलनको कार्यतालिका
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
बुढ्यौलीमा भेडीगोठ मोह
पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
जलवायु परिवर्तन असर : मुस्ताङको स्याउ उकालो चढ्दै
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१