पोखरा । जापानमा इन्जिनियरिङ गरिएको नेपाली इलेक्ट्रोनिक्स ब्रान्ड सेन्साइले दसैंतिहार लक्षित गर्दै ‘यो दसैं–तिहार, हरेक दिन टिभी उपहार’ नामक योजना सार्वजनिक गरेको छ । गत २७ भदौदेखि सुरु यो योजनाको लाभ ग्राहकले नेपालभर सीमित अवधिका लागि उठाउन सक्ने कम्पनीले जनाएको छ ।

योजनाअन्तर्गत सेन्साई ब्रान्डका कुनै पनि सामानको खरिदमा लक्की ड्रमार्फत ४० दिनसम्म ४० भाग्यशाली ग्राहकले प्रत्येक दिन सेन्साइको २४ इन्चको टिभी उपहार जित्न सक्नेछन् । ग्राहकले आफूलाई यो लक्की ड्रमा सहभागी गराउन दिइएको क्युआर कोड स्क्यान गरेर प्राप्त भएको फर्ममा नाम, ठेगाना, फोन नम्बर र खरिद गरिएको सामान तथा वारेन्टी कार्ड नम्बर लगायत विवरण भर्नुपर्नेछ । कम्पनीले समान खरिद गर्ने ग्राहकका लागि फ्रि डेलिभरी, फ्रि इन्स्टलेसन सुविधा पनि प्रदान गरेको छ ।

यस्तै, शून्य प्रतिशतमा फाइनान्स सुविधा, पुराना भएका सामान फेरबदल गरी नयाँ सामान लान चाहने ग्राहकका लागि एक्सचेन्ज अफर सुविधा र चाडपर्वको अवसरमा सामान खरिद गर्ने ग्राहकले ‘सिजी लोयल्टी क्लब’को रिवार्ड प्रोग्रामअन्तर्गत लोयल्टी सदस्यले ललितपुरस्थित होटल विभान्तामा २५५ सम्म छुट पाउनु सक्नु हुनेछन् । यी सुविधाका लागि ग्राहकले सिजिइएलइएक्स डटकममा गएर विवरण दर्ता गर्न सक्नेछन् ।

नेपालभर सेन्साई ब्रान्डको आधिकारिक बिक्रेता चौधरी ग्रुरुपको सिजी इलेक्ट्रोनिक्स अन्तर्गत सिजी इओएल हो । सिजी इलेक्ट्रोनिक्सले सम्पूर्ण नेपाली ग्राहकलाई सिजी डिजिटल सोरुम तथा आफ्नो फराकिलो बिक्रेता सञ्जाल मार्फत उत्कृष्ट सेवा र अनुभव प्रदान गरिरहेको छ । कम्पनीका सिजी डिजिटल सोरुम काठमाडौंभित्र टंगाल, कुमारीपाटी, बसुन्धरा, जोरपाटी, भक्तपुर राधे राधे, रविभवन, कीर्तिपुर, हातिगौडा, त्रिपुरेश्वर, गत्थाघर, टेकु, नयाँबजार र काठमाडौं बाहिर बनेपा, पोखरा, इटहरी, हेटौंडा, भरतपुरमा छन् ।