पोखरा । गण्डकी प्रदेशसभाकी उपसभामुख बिनाकुमारी थापाले तीज संस्कृति महिला सशक्तीकरणसँग जोडिएको बताएकी छन् । बागलुङ समाज पोखराले हरितालिका तीजका अवसरमा शनिबार पोखरामा आयोजना गरेको शुभकामना आदानप्रदान कार्यक्रममा बोल्दै उपसभामुख थापाले महिला दिदीबहिनीले तीजका अवसरमा गीत संगीतका माध्यमबाट आफ्ना पीर व्यथा पोख्ने भएकोले सांगीतिक पर्व भएको पनि बताइन् । नेपाल धार्मिक, सांस्कृतिक विविधता भएको देश भएको जनाउँदै उनले सबै धर्मावलम्बी र जातजातिका बीचमा आपसी सद्भाव कायम गर्ने अवसर भएको उल्लेख गरिन् ।
एक अर्काको चाडपर्वमा सबैको समान सहभागिता रहने गरेको भन्दै उपसभामुख थापाले आपसी सद्भाव र सहिष्णुता नै नेपालीको पहिचान भएको बताइन् । तीज पर्व महिलाहरू घरबाट बाहिर निस्कने एउटा अवसर भएको उल्लेख गर्दै उनले समयक्रमसँगै सचेतना फैलाउने र सशक्तिकरण अभियानको पर्व भएको धारणा व्यक्त गरिन् ।
बागलुङ समाज पोखराका पूर्व अध्यक्ष एवं सल्लाहकार कुलचन्द्र शर्माले समाजले विगतदेखि नै आफ्ना मौलिक चाडपर्व र संस्कृति सामूहिक रुपमा मनाउँदै आएको बताइन् । बागलुङ समाज लेखनाथका अध्यक्ष हरकुमार रानाले पोखरामा बसोबास गर्ने सबै बागलुङेहरू एकजुट भएर एक आपसमा दुःखसुख साटासाट गर्ने महत्वपूर्ण थलो समाज नै भएको बताए ।
बागलुङ समाज पोखराका अध्यक्ष डिल्लीप्रसाद शर्माको अध्यक्षतामा भएको कार्यक्रममा उपाध्यक्ष ठाकुरप्रसाद सापकोटा र सचिव नरेश सुवेदीले पनि बोलेका थिए । उक्त अवसरमा कार्यक्रम संयोजक कोपिला श्रीसले समाजले आयोजना गरेको कार्यक्रम बागलुङे दिदीबहिनीहरूका लागि भेटघाटको अवसर बनेको बताइन् ।
कार्यक्रममा प्रेमप्रसाद सापकोटा स्मृति पुरस्कार–२०८० बाट २०७९ सालको माध्यमिक शिक्षा परीक्षा (एसईई)मा उत्कृष्ट अंक ल्याउने दुई जना छात्र र छात्रालाई पुरस्कृत समेत गरिएको थियो । त्यसैगरी, लोक तथा दोहोरी गायिका सीता परियारले आफ्नो सांगीतिक प्रस्तुति राखेकी थिइन् ।
Related News
सम्बन्धित समाचार
अकला आयोजना सञ्चालनमा खानेपानी संस्थान नै बाधक !
गण्डकीका ४ सय ६७ स्थानमा डढेलो
फेवातालमा दुर्घटनामा परेका ५ जनाको उद्धार
३ पुस्तादेखिको कटुवाल पेसा धान्दै मनबहादुर
मस्र्याङ्दी जलासयमा मोटरबोट
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१