पोखरा । ज्येष्ठ नागरिक कल्याणकारी संस्था पोखरा १३ आर्वाले ज्येष्ठ नागरिकलाई भ्रमण गराएको छ । आइतबार सुरु भएको भ्रमणमा ७० जना ज्येष्ठ नागरिक सहभागी छन् ।

चर्चित धार्मिक तथा पर्यटकीय स्थलहरु कुश्मा, बागलुङ कालिका मन्दिर, पञ्चकोट, लगायतका स्थानमा अवलोकन भ्रमण गर्ने संस्थाका अध्यक्ष बलराम सिग्देलले जानकारी दिए ।

पोखरा महानगरपालिका वडा नं १३ को अगुवाइ तथा सहयोगमा भ्रमण कार्यक्रम गरिएको होे । ज्येष्ठ नागरिकहरुको सम्मान गर्ने उद्देश्यले यस प्रकारको भ्रमण आयोजना गरिएको वडा नं १३ का अध्यक्ष किरण बरालले बताए । उनले ज्येष्ठ नागरिकको सम्मान तथा संरक्षणमा थप कार्यक्रमहरु गर्दै जाने तथा हरेक वर्ष यस प्रकारको कार्यक्रमलाई निरन्तरता दिइने बताए ।