पोखरा । सृजना विकास केन्द्र र कास्की जिल्ला भलिबल संघको संयुक्त आयोजनामा पाँँचौं सृजना कप अन्तर्गत छात्रातर्फ सेमिफाइनल समीकरण पूरा भएको छ ।
पोखरा रंगशालाको भलिबल कोर्टमा भएको प्रतियोगितामा साविक विजेता शान्ता मावि, जनप्रिय मावि, कन्या मावि र इन्द्रराज्यलक्ष्मी मावि सेमिफाइनल प्रवेश गरेका हुन् ।
इन्द्रराज्यलक्ष्मीले तालवाराहीलाई २५–२० र २५–१७ सेटमा हरायो । जनप्रिय माविले भद्रकालीलाई २५–९ र २५–१२ तथा कन्याले गौरीशंकरलाई २५–१९ र २५–२२ सेटमा पाखा लगाउँदै सेमिफाइनल सुनिश्चित गरेका हुन् । बिहीबार शान्ता र जनप्रियबीच पहिलो र कन्या र इन्द्रराज्यलक्ष्मीबीच दोस्रो सेमीफाइनल हुने रेफ्री संयोजक गोपाल थापाले जनाए । कास्की जिल्ला सामुदायिक विद्यालय छात्रछात्रा भलिबल प्रतियोगिताअन्तर्गत छात्रातर्फ १५ टिमले भाग लिएका हुन् । बाइमा परेको साविक विजेता शान्ताले पहिलो दिन गोगन हराउँदै विजयी यात्रा सुनिश्चित गरिसकेको हो ।
छात्रतर्फ सहभागी ३० टिममध्ये भगवती, भद्रकाली, शान्ता, राष्ट्रिय, मेश्रम वराहले विजयी यात्रा कायम राख्दै क्वारफाइनलमा पुगेका छन् । दोस्रो दिन बुधबारको खेलमा भगवती माविले शारदा माविलाई २५–१७ र २५–११ पराजित गरेको छ । अमरसिद्ध नमुना माविले विन्ध्यवासिनी मावि, वरपाटनलाई २५–२१ र २५–२३ सेटमा पाखा लगायो ।
ब्रम्हरुपा माविले लक्ष्मी माविको चुनौती २५–१० र २५–११ मा पन्छाउँदा चन्द्रप्रभा माविले पार्दीलाई २–१ सेटमा हरायो । चन्द्रप्रभा २५–२१, २२–२५ र २७–२५ सेटमा विजयी भएको हो । शान्ता मावि र कालिका माविबीचको खेलमा कालिकाले जीत निकालेकोमा कालिकाविरुद्ध प्रोटेस्ट परेको थियो । साविक विजेता शान्ता अन्तिम ८ पुगिसकेको छ ।
यस्तै, भद्रकालीले तालवाराहीलाई सोझो सेटमा २५–१९ र २५–१४ मा हरायो । राष्ट्रिय माविले चन्द्रप्रभालाई २५–१९ र २५–१९ पराजित गर्यो । गोगन माविले सिर्जना माविलाई २५–८ र २५–११ मा पराजित गरेको छ । मेश्रम वराहले अमरसिद्ध नमुना माविलाई २–१ ले हरायो । जसमा २३–२५, २५–१७ र २५–२३ सेट आयो । भगवती माविले अमरसिंह नमुना माविलाई २–१ सेट (२२–२५, २५–१७ र २५–१३) ले हरायो ।
फागुन १९ मा हुने फाइनलमा छात्रछात्रा दुवैतर्फ विजेतालाई १/१ लाख, उपविजेतालाई ६०/६० हजार र तृतीय हुने विद्यालयलाई ३५/३५ हजारसहित शिल्ड, मेडल र प्रमाणपत्र प्रदान गरिने छ । सर्वोत्कृष्ट छात्रछात्रालाई जनही ५ हजार र अन्य ६ विधाका उत्कृष्ट खेलाडीलाई पुरस्कृत गरिने प्रचार संयोज इन्द्रप्रसाद पौडेलले बताए । उत्कृष्ट प्रशिक्षकले ५ हजार पाउने छ । सृजना विकास केन्द्र अध्यक्ष कृष्णबहादुर थापाले विद्यालयस्तरबाटै राष्ट्रिय खेल भलिबलको विकासका लागि प्रतियोगिता आयोजना गरिएको बताए ।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
पोखराको चाउथेमा बिजुली पसलमा आगलागी हुँदा १ करोडको क्षति
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१