लेखनाथ । रामज्योति मावि ४४ औं वर्षमा प्रवेश गरेको छ । विद्यालयले बुधबार विविध कार्यक्रमसहित वार्षिकोत्सव, अभिभावक दिवस तथा पुरस्कार वितरण समारोह सम्पन्न गरेको हो ।
पोखरा २६, बूढीबजारस्थित रामज्योति स्कुल २०३७ सालमा स्थापना भएको हो । पूर्णरुपमा अंग्रेजी माध्यममा पढाइ हुँदै आएको यो विद्यालयमा अंग्रेजी माध्यममा पढाइ हुन थालेपछि यस वर्षमात्रै एक सय जना नयाँ विद्यार्थी थपिएको प्रधानाध्यापक गुमनाथ लामिछानेले बताए । हाल ३ सय ५३ विद्यार्थीले पढ्ने यो स्कुलमा २१ शिक्षक कर्मचारी कार्यरत छन् ।
वार्षिकोत्सव समारोह कार्यक्रमको उद्घाटन गर्दै वडाध्यक्ष नरेन्द्र थापाले आफू पूर्वविद्यार्थी भएकोमा गर्वको महसुस भएको बताउँदै विद्यार्थीलाई स्कुलको पढाइले मात्र पर्याप्त नहुने र घरमा पनि अभिभावकले पढाइमा प्रेरित गर्नुपर्ने सुझाए । उनले वडाध्यक्ष भएको नाताले कुनै दल नभनी समग्र वडाको विकास र समृद्धिमा लागिपर्ने प्रतिवद्धता व्यक्त गरे ।
भगवती हाईड्रोपावरका निर्देशक इ.वसन्तमोहन भट्टराईले किताबी ज्ञानसँगै प्रविधि र व्यावहारिक शिक्षाको आवश्यकता रहेको बताए । लायन्स क्लब लेखनाथ अध्यक्ष तिलकशाली सापकोटाले विद्यार्थीलाई कसरी सामाजिक क्षेत्रमा पनि समाहित गर्न सकिन्छ भन्ने बारेमा हामी सबै जानकार हुनु पर्ने बताए ।
प्रअ लामिछानेले विद्यालयको प्रगति विवरण र भावी योजनाबारे जनाउँदै सरकारी तहको दरबन्दी कम हुँदा पठनपाठनमा समस्या सृजना आएको गुनासो गरे । पोखरा महानगर शिक्षा महाशाखाका वरिष्ठ अधिकृत बद्रीप्रसाद सुवेदीले २ तहको शिक्षानीति अन्त्य हुनुपर्नेमा जोड दिए ।
कार्यक्रममा लक्ष्मी माविका सहायक प्रअ विष्णु तिवारी, सल्लाहकार मनबहादुर गुरुङ लगायतले बोलेका थिए । पूर्व प्रअ सूर्यनाथ बरालले आफूले स्थापना गरेको गरिब, दलित, असहाय र जेहेनदारका वर्गका गरी ४ विद्यार्थीलाई छात्रवृत्ति रकम वितरण गरे ।
शैक्षिक एवं खेलकुद गतिविधिमा उत्कृष्ट विद्यार्थीलाई पुरस्कार वितरण गर्नुका साथै विद्यलायका पूर्व अध्यक्षहरु, पूर्व प्रअहरु, अक्षयकोषदाताहरु र असल अभिभावकहरुलाई समेत सम्मान गरिएको थियो ।
उत्कृष्ट शिक्षकशिक्षिकामा प्रकाश लामिछाने, प्रकाश खड्का, डिलकुमारी लामिछाने, जौमाया लामिछाने, ऋषिमाया बराल, राजकुमारी थापा, र सावित्रा गुरुङ छन् ।
विद्यालय ब्यवस्थापन समिति अध्यक्ष कुलबहादुर थापाको अध्यक्षतामा भएको कार्यक्रममा शिक्षक स्वागत गणेशप्रसाद अधिकारी र विद्यार्थी अभिषेक विकले गरेका थिए । संचालन शिक्षक भोजराज बराल र सम्झना आचार्य, प्रकाश खड्का र प्रकाश लामिछानेले संयुक्त गरे ।
Related News
सम्बन्धित समाचार
जग्गाधनीले रोके रुपाताल परियोजनाको काम
सफलको चिनीरहित दही बजारमा
फेवाबाट जलकुम्भी हटाउन अभियान सुरु
पोखरा जेसीजको ७ दिनमा, ७ कार्यक्रम
महिलालाई आत्मनिर्भर बनाउँदै वडा कार्यालय
hero news full width
मुख्य समाचार
पोखरामा बुद्ध जयन्तीको सप्ताहव्यापी कार्यक्रम
जिबी राईको राहदानी रद्द भएन
जेठ १, २०८१पोखराको प्राइम सहकारी पनि समस्याग्रस्त, डेढ अर्ब हिनामिना
जेठ १, २०८१सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
जेठ १, २०८१राष्ट्रपतिबाट सरकारको नीति तथा कार्यक्रम प्रस्तुत
जेठ १, २०८१लोकतान्त्रिक आन्दोलनका जिउँदा सहिद खगेन्द्र सर
जेठ १, २०८१