हेमजा । गौरीशंकर बचत तथा ऋण सहकारी संस्थाको १६ औं वार्षिकोेत्सव अवसरमा रेडक्रस सोसाइटी कास्की शाखालाई रक्त सञ्चार केन्द्रको भवन निर्माणार्थ २५ हजार सहयोग गरेको छ ।
सहकारी अध्यक्ष केशवशरण पौडेलले सो रकम बराबरको चेक रेडक्रस कास्की शाखा सभापति डण्डिराज शर्मालाई हस्तान्तरण गरेका हुन् ।
हेमजा बालविकास केन्द्रका बालबालिका लागि अतिरिक्त क्रियाकलाप साथै बसाइँका सामान अध्यक्ष तारा विकलाई पनि प्रदान गरिएको छ । कार्यक्रममा रेडक्रस सभापति डण्डिराज शर्मा, संस्थाका सल्लाहकारद्वय डबलबहादुर कुँवर र रुद्रनाथ पौडेलले शुभकामना मन्तब्य राख्दै गौरीशंकर सहकारी जिल्लाकै नमुना सहकारीका रुपमा चिनिंदै जानु सुखद भएको औल्याए ।
सहकारी अध्यक्ष केशवशरण पौडलले सहयोगी सबैप्रति आभार प्रकट गर्दै सहकारीका आगामी योजना तथा रणनीति प्रस्तुत गरे । संस्थाका कार्यकारी अधिकृत डम्बरसिंह बस्नेतले सहकारीको आर्थिक तथा व्यवस्थापकीय गतिविधिबारे स्पष्ट पारे ।
संस्थामा हाल ६ हजार ३ सय ५५ सेयर सदस्य छन् । त्यस्तै, १३ करोड ८२ लाख ३८ हजार ४ सय सेयर रकम, ९ करोड ९० लाख ९ हजार ५५ संस्थागत पुँजी, १ अर्ब ४ करोड ६७ लाख ६० हजार ६ सय ४६ बचत हिसाब छ । त्यस्तै, संस्थाले १ अर्ब ११ करोड १५ लाख ६९ हजार ९ सय ९२ ऋण लगानी पनि गरिसकेको जनाएको छ ।
सहकारी अध्यक्ष पौडेलको अध्यक्षतामा सम्पन्न उक्त कार्यक्रममा उपाध्यक्ष खड्कबहादुर कार्कीले स्वागत र सचिव घनश्याम तिम्सिनाले कार्यक्रम संचालन गरेका थिए ।