पोखरा । पोखरा महानगरपालिकाभित्र रहेर पनि राज्यको ध्यान नपुगेको बस्तीमा वैकल्पिक राजनीतिक शक्तिको रुपमा अगाडि बढिरहेको राष्ट्रिय नागरिक पार्टीले बिजुलीका पोल हस्तान्तरण गरेको छ । शनिबार पार्टीका केन्द्रीय सहमहामन्त्री सागर कार्कीले पार्टीको तर्फबाट स्थानीय छबिलाल सुनारलाई सडक बत्तीको लागि फलामका ७ पोल हस्तान्तरण गरेका हुन् ।
करिब २० हजार खर्च लाग्ने उक्त पोलका लागि पार्टीका केन्द्रीय अध्यक्ष शुक्रबहादुर गुरुङले ५ हजार, केन्द्रीय उपाध्यक्ष बुद्धिबहादुर गुरुङ, सहमहामन्त्री सागर कार्की, केन्द्रीय सदस्य कृष्ण रानाभाट, केन्द्रीय सदस्य लक्ष्मण सुनार, केन्द्रीय सदस्य महेन्द्र परियार तथा पार्टीका सक्रिय सदस्य कृष्ण थापामगरले २÷२ हजार आर्थिक सहयोग गरेका थिए ।
केन्द्रीय सहमहामन्त्री कार्कीले पोल हस्तान्तरण गर्दै राष्ट्रिय नागरिक पार्टीले निम्न वर्गीय, उत्पीडनमा परेका, राज्यको पहुँचभन्दा टाढा रहेका बस्तीको सडकमा पार्टीले बिजुलीका पोल हस्तान्तरण गर्न पाउँदा खुसी लागेको तर राज्यले नागरिकको पिरमर्कामा आँखा चिम्लेको देख्दा दुख लागेको बताए । केन्द्रीय सदस्यहरु कृष्ण रानाभाट र लक्ष्मण सुनारले पार्टीले राजनीतिमात्रै गर्ने नभई सामाजिक काम पनि गर्दै आएको उल्लेख गरे ।
कार्यक्रमका संयोजक छबिलाल सुनारले स्थानीयको मागअनुसार राष्ट्रिय नागरिक पार्टीले सडक बत्तीको लागि पोल सहयोग गरेकोमा धन्यवाद व्यक्त गर्दै वडा कार्यालयमा पटकपटक माग गर्दा समेत बेवास्ता गरेकोमा दुख व्यक्त गरे ।
पोखरा २१ को फुस्रेखोेला मट्टिखान ग्रामीण सडकबाट ५ सय मिटरभित्र रहेको एकहाते, गहतरी दलित बस्तीमा ४० घर छन् । त्यहाँका बासिन्दा साँझको समयमा बत्तीको अभावले त्रसित हुनुपर्ने तथा बिहान पढ्न जाने विद्यार्थीहरुका लागि समेत अत्यन्तै समस्या हुने गरेको स्थानीयले गुनासो गरेका थिए ।
Related News
सम्बन्धित समाचार
मधेशका सभामुखको टोली महेन्द्रगुफामा
प्रकटको स्मरणमा फिल्म ‘प्रतिबद्धता’ प्रदर्शन
कैदीबन्दी न्यायिक सरोकारमा नलबहादुर मनोनित
आगोलागी नियन्त्रणसम्बन्धी सचेतना
पोखरा ६ मा साबुन बनाउने तालिम
hero news full width
मुख्य समाचार
अधिकारी सरकारको वैधताको टुंगो आज !
पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१क्षत्री समाज नेपालमा पोखराका रिव, महासचिवमा कृष्ण
वैशाख १६, २०८१यस्तो छ लगानी सम्मेलनको कार्यतालिका
वैशाख १६, २०८१नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१