पोखरा । घर नजिकै फिर्के खोलामा बन्न लागेको पुल हेरेर मख्ख थिए, पोखरा ५ पस्र्याङका भरतराज पौडेल । बुधबार पुलको ढलान भयो । तर उनलाई ढलान अहिल्यै होला भन्ने पत्यार नै लाएको थिएन । लामो समयदेखि घर अगाडिकै बिजोग देखेर हैरानीमा परेका पौडेल भन्दै थिए, ‘अब त सुविधा हुने भयो । एकैछिनमा आफ्नै साधनमा महेन्द्रपुल पुगिने भइयो । जोखिम मोलेर पुलको तलबाट अब हिंड्नु नपर्ला ।’
पुल निर्माणमा ढिलाइ भएकै कारण सर्वसाधरणलाई आवतजावतमा समस्या हुनुका साथै व्यवसायीले घाटा व्यहोरेका थिए । सोही विषयलाई लिएर गत असोज १८ गते स्थानीय र व्यवसायी विरोधमै उत्रिए । सोही समयमा निर्माण कम्पनी, स्थानीय, व्यवसायी र महानगरका प्रतिनिधिबीच पुलको काम छिटोभन्दा छिटो सक्ने सहमति थियो । असोजदेखि नै काम द्र्रूत पारेको निर्माण कम्पनीले बुधबार ढलानको मुख्य काम स्ल्याप ढलान गरेको हो ।
सानेपाको शान्ति÷आरोग्य जेभीले ४ करोड ५५ हजारमा २०७६ भदौ १ गते सम्झौता गरेको पुल २०७७ मंसिर ५ मा सकिनुपर्ने हो । तर विविध कारणले ढिलाइ भएको पुलको ढलान २ वर्षपछि मात्र भएको निर्माण कम्पनिका इन्जिनियर रामनारायण यादवले बताए । गत मंसिरमै सक्ने भनिए पनि कोरोना र विविध कारण देखाउँदै निर्माण कम्पनीले पुनः म्याद थपेको थियो । ‘सुरुमा वडा नम्बर ५ तर्फको बाटो विवाद भयो,’ उनले भने, ‘पछि ४ नम्बर वडातर्फ व्यक्तिगत जग्गाले विवाद झिक्यो । कोरोनाले पनि काममा बाधा पु¥यायो ।’ बाटो र जग्गा विवाद टुंगो लागेपछि कामले गति लिएको उनको भनाइ थियो । १५ महिनामा सकिनुपर्ने काम २९ महिनामा बल्ल ढलान हुँदा तैपनि स्थानीय काम छिटो सम्पन्न हुनेमा आशावादी छन् ।
पोखरा महानगर वडा ४ का वडाध्यक्ष शंकरप्रसाद बास्तोला पनि पुलको काम ढिलाइ भएको स्वीकार्छन् । स्थानीयको विरोध, कोरोनाका कारण पुलले गति लिन नसकेको उनको भनाइ थियो । बाटो, व्यक्तिगत जग्गा आदि सबै मिलाउँदा ३ महिना बितेको वडाध्यक्ष बास्तोलाले जनाए । स्थानीयकै विरोधका कारण २३ मिटरको पुल रिसाइज गर्ने भन्दै १७ मिटरमा झारिएको छ । सहरी क्षेत्रमा बन्ने पुल आकर्षक बनाउने हेतुले पाइलिङ सिस्टमको पुल बनाउन लागिएका कारण पनि केही ढिलाइ भएको उनको स्वीकारोक्ति छ ।
फिर्के पुल निर्माण १५ महिनामै सकिनुपर्ने २९ महिनामा आएर ढलान भएको हो
‘पोखरामा यो नयाँ सिस्टम अनुभव भएकाले सुरुका दिनमा महानगर र निर्माण कम्पनी सोयल टेस्टमा अलमलमा परेको थियो’, उनले भने, ‘सोयल टेस्टलगायत अन्य कारण काममा ढिलो भएकै थियो पछि विवाद आयो अनि कोरोनाले काम ढिलाइ भयो ।’
पोखरा वडा ४ र ५ का स्थानीय, नागरिक समाज, उपभोक्ता मञ्च, प्राविधिक, महानगरका कर्मचारी, निर्माण कम्पनीको समझदारीमा कामले तीव्रता पाएको बताउँदै छिट्टै पुलको काम सम्पन्न हुनेमा उनी ढुक्क छन् । अबको फागुनभित्र स्थानीय आवतजावत गर्ने गरी पुल हस्तान्तरण हुने उनले बताए । ‘पछिल्ला दिनमा अरु वडामा बनेका पुलमा कम्प्लेन आएका छन्,’ उनले भने, ‘यो पुलमा त्यस्तो नहोस् भनेर बिहानदेखि म यही खटिएको छु ।’ अझै पनि विविध कारण देखाउँदै निर्माण कम्पनीले ढिलाइ गरेमा कानुनी प्रक्रियामा जान बाध्य हुने उनले बताए ।
पोखरा महानगरपालिकाका इन्जिनियर नेत्र तिमिल्सिनाले ढलान सकिएपछि ८० प्रतिशत काम सकिने बताउँछन् । ‘सबैभन्दा गाह्रो र समय लाग्ने भनेको ढलान हो । यो आज सकिन्छ,’ उनले भने, ‘ढलान सकिएपछि बाँकी २० प्रतिशत काम गर्नुपर्छ । त्यो भनेको सहजै सकिने खालका छन् । अब छिट्टै सकिएला ।’
पुलमा सौन्र्दयीकरणका लागि माथि स्टिल फेब्रिकेटरको आर्क बनाउने उनले बताए । यो पछि एप्रोल स्ल्याब, रिटेनिङ, चेक ड्यामको काम बाँकी हुनेछ । ‘यही गतिमा काम भयो भने एक डेढ महिनामै पुल सकिन्छ,’ उनले भने, ‘कुनै भवितव्य नभए फागुनको अन्तिमसम्म पुल हस्तान्तरण गर्ने गरी निर्माण कम्पनीबाट काम भइरहेको छ ।’
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
सिद्ध र कालिका क्रिकेटको फाइनलमा
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१