पोखरा । बिरौटा बचत तथा ऋण सहकारीले १२ औं वार्षिकोत्सवको अवसरमा आयोजना गरेको रक्तदानमा ३३ युनिट रगत संकलन भएको छ । रक्तदानको शुभारम्भ छातीरोग विशेषज्ञ डा. सिपी आचार्यले संस्थाका उपाध्यक्ष टीकाप्रसाद पौडेललाई ब्लडब्याग हस्तान्तरण गरी गरेका थिए ।
डा. सिपी आचार्यले सहकारी आयोजनामा भएको रक्तदान कार्यक्रमले समाजमा रक्तदानप्रति सकारात्मक धारणाको विकास गर्दै संस्थाको सामाजिक उतरदायित्व पूरा गर्ने प्रयास गरेको बताए । संस्थाले गरेको सामाजिक कार्यले रक्त अभावमा छटपटिएका बिरामीलाई जीवनदान गर्ने हुँदा यस्तो कार्यक्रमलाई निरन्तरता उनले बताए ।
संस्थाका अध्यक्ष राजेन्द्र गुरुङको अध्यक्षतामा भएको कार्यक्रममा उपाध्यक्ष टीकाप्रसाद पौडेलले स्वागत र कार्यक्रम संयोजक विकास गुरुङले रक्तदानबारे चर्चा गरेका थिए । कार्यक्रम सञ्चालन संस्थाका सचिव कृष्णबहादुर श्रेष्ठले गरेका थिए ।