पोखरा । गण्डकी प्रदेशमा आइतबार ६ सय ९९ जनाले कोरोना जितेका छन् । प्रदेश स्वास्थ्य निर्देशनालयले दिएको जानकारी अनुसार शनिबार २ सय ७४ जना निको भएका थिए भने आइतबार यसको संख्या ह्वात्तै बढेर ६ सय ९९ पुगेको हो । पछिल्लो १ हप्तामा प्रदेशमा ४ हजार १ जना कोरोनामुक्त भएका छन् । सबैभन्दा बढी शुक्रबार १ हजार ३ सय ९६ जनाले कोरोना जितेका थिए । पछिल्ला दिनहरुमा क्रमिक रुपमा संक्रमितको स्वास्थ्यमा सुधार हुँदै गएको छ । गण्डकी प्रदेशमा कोराना निको हुनेको संख्या २३ हजार ७ सय ६७ पुगेको छ । पछिल्लो २४ घन्टामा ७ हजार ६ सय ६४ जना कोरोना संक्रमणबाट मुक्त भएका छन् ।
गण्डकीमा शनिबार ९ सय ४६ कोरोनाका नयाँ संक्रमित थपिएका छन् । पछिल्लो २४ घन्टामा १ हजार ८ सय ८५ जनाको स्वाब परीक्षण गर्दा ५० दशमलव १४ प्रतिशतमा पोजेटिभ देखिएको हो । योसँगै प्रदेशमा कोरोना संक्रमितको संख्या १० हजार २ सय ८४ पुगेको छ ।
गण्डकी प्रदेशमा कोराना निको हुनेको संख्या २३ हजार ७ सय ६७ पुगेको छ
सबैभन्दा बढी कास्कीमा २ सय ९५ संक्रमित थपिँदा कम मुस्ताङमा २ जना थपिएका छन् । त्यसपछि म्याग्दीमा १ सय ८१ र गोरखामा १ सय ७१ जनामा संक्रमण भयो । मनाङमा कुनै पनि नयाँ संक्रमित नहुँदा बाग्लुङमा ९५ जनामा पोजेटिभ देखिएको छ । यस्तै स्याङ्जामा ९०, तनहुँमा ६१, नवलपुरमा २५, पर्वतमा १८ र लमजुङमा ८ जनामा संक्रमण भएको हो ।
पछिल्लो २४ घन्टामा कोरोना संक्रमणबाट थप १ सय ९३ जनाको मृत्यु भएको छ भने ७ हजार ९ सय १४ जनामा संक्रमण पुष्टि भएको छ । देशभरका प्रयोगशालामा १८ हजार ९६५ पीसिआर जाँच गर्दा ७ हजार ५ सय ९८ र ९ सय ३१ एन्टिजेन परीक्षण गर्दा ३१६ जना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
प्रदेशमा १७ जनाको कोरोनाबाट मृत्यु
प्रदेशमा कोरोनाबाट आइतबार १७ जनाको मृत्यु भएको छ । प्रदेश स्वास्थ्य निर्देशनालयका अनुसार स्याङ्जाका ४, म्याग्दीका ३, गोरखा र कास्कीका २÷२ जनाको ज्यान गएको हो । भारत गोरखपुर र सिन्धुलीका १÷१ जनाको पनि पोखरामा उपचारको क्रममा मृत्यु भएको हो । पर्वत, लमजुङ, तनहुँ र नवलपुरका १/१ जनाको कोरोनाकै कारण ज्यान गएको हो ।
स्याङ्जाको गल्याङ नगरपालिका ११ का ३५ वर्षीय पुरूषको पोखरा स्वास्थ्य विज्ञान प्रतिष्ठान, पोखरामा उपचारको मृत्यु भएको हो । स्याङ्जाकै गल्याङ नगरपालिका ३ का ३६ वर्षीय पुरूषको गण्डकी मेडिकल कलेज, पोखरामा उपचारको क्रममा ज्यान गएको हो । स्याङ्जाको भीरकोट नगरपालिका ४ की ८० वर्षीया महिलाको पश्चिमाञ्चल सामुदायिक अस्पताल, पोखरामा उपचारको क्रममा निधन भएको छ । स्याङ्जाको पुतलीबजार नगरपालिका ८ का ८३ वर्षीय कोरोना संक्रमित पुरूषको कास्की मोडल अस्पताल, पोखरामा उपचारको क्रममा ज्यान गएको हो ।
यसैगरी कास्कीको पोखरा महानगरपालिका ५ का ४६ वर्षीय पुरूषको पोखरा स्वास्थ्य विज्ञान प्रतिष्ठान, पोखरामा उपचारको क्रममा निधन भएको हो । पोखरा महानगरपालिकाकै १० नम्बर वडाका ५० वर्षीय कोरोना संक्रमित पुरूषको गण्डकी मेडिकल कलेज, पोखरामा उपचारको क्रममा मृत्यु भएको हो । गोरखाको सिरानचोक गाउँपालिका २ की ५९ वर्षीया महिलाको चितवन मेडिकल कलेज, चितवनमा उपचारको क्रममा ज्यान गएको हो । गोरखा सिरानचोक गाउँपालिका २ कै ८२ वर्षीय पुरुष चितवन मेडिकल कलेज, चितवनमा उपचारको क्रममा शनिबार मृत्यु भएको हो ।
यसैगरी म्याग्दीको बेनी नगरपालिका ६ की ६१ वर्षीया महिलाको बेनी अस्पताल, म्याग्दीमा उपचारको क्रममा ज्यान गएको हो । म्याग्दीको बेनी नगरपालिकाकै ७ नम्बर वडाकी ७४ वर्षीया महिलाको पनि बेनी अस्पताल, म्याग्दीमा उपचारको क्रममा निधन भएको हो । म्याग्दीको बेनी नगरपालिका ९ की ९० वर्षीया महिलाको पनि उपचारको क्रममा ज्यान गएको हो । पर्वतको पैयूं गाउँपालिका ४ का ६० वर्षीय पुरूषको मणिपाल शिक्षण अस्पताल, पोखरामा उपचारको क्रममा निधन भएको हो ।
नवलपुरको कावासोती नगरपालिका ८ की ८४ वर्षीया महिलाको मध्यबन्दु अस्पताल, नवलपुरमा उपचारको क्रममा ज्यान गएको हो । तनहुँको भीमाद ६ की ५४ वर्षीया महिलाको मेडिप्लस अस्पताल, पोखरामा उपचारको मृत्यु भएको हो । लमजुङको बेंसीसहर नगरपालिका १ का ६२ वर्षीय पुरूषको पोखरा स्वास्थ्य विज्ञान प्रतिष्ठान, पोखरामा उपचारको क्रममा ज्यान गएको हो ।
यसैगरी सिन्धुलीको पीपलगाउँ ८ की ३५ वर्षीया महिलाका मणिपाल शिक्षण अस्पताल, पोखरामा उपचारको क्रममा मृत्यु भएको हो । भारत, गोरखपुरकी ६४ वर्षीया महिलाको पनि मणिपाल शिक्षण अस्पताल, पोखरामै उपचारको क्रममा आइतबार ज्यान गएको थियो ।
Related News
सम्बन्धित समाचार
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
मुख्यमन्त्रीलाई विश्वासको मत दिन सकिन्न ः पञ्चराम गुरुङ
मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
hero news full width
मुख्य समाचार
गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१