पोखरा। मुलुकभरका ७ प्रदेशमध्ये बाग्मती प्रदेशको आर्थिक वृद्धिदर चालु आर्थिक वर्ष २०७७/७८ मा सबैभन्दा उच्च हुने केन्द्रीय तथ्यांक विभागले जनाएको छ । बाग्मती प्रदेशको आर्थिक वृद्धिदर ४ दशमलव ७ प्रतिशत रहने प्रक्षेपण विभागले गरेको हो । गत आर्थिक वर्षमा बाग्मतीको आर्थिक वृद्धिदर ३ दशमलव ६ प्रतिशतले ऋणात्मक भएको थियो ।
प्रदेशहरूमध्ये बाग्मतीको अर्थतन्त्र सबैभन्दा ठूलो १६ खर्ब ८ अर्ब रुपैयाँको हुने अनुमान छ । त्यस्तै सबैभन्दा ठूलो अर्थतन्त्र प्रदेश १ को अर्थात् चालू आर्थिक वर्षमा ६ खर्ब ६३ अर्ब रुपैयाँ पुग्ने प्रक्षेपण गरिएको छ ।
हालै विभागले सार्वजनिक गरेको तथ्यांकमा प्रदेश १ को आर्थिक वृद्धिदर गत आर्थिक वर्षको ऋणात्मक १.२ प्रतिशतबाट चालू आर्थिक वर्षमा ३ दशमलव ६ प्रतिशत हुनेछ भने कुल गार्हस्थ्य उत्पादनमा बाग्मती प्रदेशको अर्थतन्त्रको हिस्सा ३७ दशमलव ७ प्रतिशत छ । गत आर्थिक वर्षमा कर्णाली र सुदूरपश्चिम प्रदेशको अर्थतन्त्र ऋणात्मक भएन । यस आर्थिक वर्षमा ती प्रदेशको आर्थिक वृद्धिदर क्रमशः ३ दशमलव ६ र ३ दशमलव ४ प्रतिशत हुने अनुमान छ ।
कर्णाली र सुदूरपश्चिमको अर्थतन्त्र चालू आर्थिक वर्ष २०७७÷७८ मा १ खर्ब ७२ अर्ब रुपैयाँ र २ खर्ब ९४ अर्ब रुपैयाँ पुग्नेछ । यस्तै प्रदेश २ को आर्थिक वृद्धिदर ३ दशमलव ५ प्रतिशत कायम भई अर्थतन्त्रको आकार ५ खर्ब ६२ अर्ब रुपैयाँ पुग्ने केन्द्रीय तथ्यांक विभागको प्रक्षेपण छ ।
गण्डकी र लुम्बिनी प्रदेशको अर्थतन्त्र यस वर्ष ३ दशमलव ६ र ३ दशमलव ९ प्रतिशतले बढेर क्रमशः ३ खर्ब ७२ अर्ब र ५ खर्ब ९६ अर्ब रुपैयाँ पुग्नेछ ।
चालू आवमा कोभिडको थप असर नपरे सबै प्रदेशको आर्थिक वृद्धिदर सकारात्मक रहने विभागको भनाइ छ । सरकारले कोभिड नियन्त्रणका निम्ति चालेको निषेधाज्ञा जस्ता कदम बढीमा १५ दिन मात्रै रहे यी प्रक्षेपण हुनेछन् । त्यसपछि लम्बिँदै गए प्रक्षेपण प्राप्तिमा कठिनाइ हुने विभागका अधिकारीहरूको भनाइ छ । विभागले १८ ओटा आर्थिक क्षेत्रका क्रियाकलापका आँकडाका आधारमा कुल गार्हस्थ्य उत्पादन (जिडिपी) सम्बन्धी वास्तविक, अनुमानित तथा प्रक्षेपित तथ्यांक सार्वजनिक गर्ने गरेको छ ।
गतवर्ष खानी तथा उत्खनन, उत्पादनमूलक क्षेत्र, निर्माण, खुद्रा तथा होलसेलको व्यापार, यातायात र भण्डारण, आवास तथा खाद्य सेवा (होटल तथा रेस्टुरेन्ट)को वार्षिक वृद्धिदर ऋणात्मक भएको थियो । विभागका निर्देशक ईश्वरीप्रसाद भण्डारीका अनुसार होटल तथा रेस्टुरेन्ट क्षेत्रको आर्थिक वृद्धि गतवर्ष सबैभन्दा बढी करीब ३७ प्रतिशतले ऋणात्मक थियो । तर यी आर्थिक कारोबार हिस्सा कर्णाली र सुदूरपश्चिम प्रदेशमा कम भएकाले समग्र आर्थिक वृद्धिददर नकारात्मक हुनबाट जोगिएको उनले बताए ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१