वालिङ । वालिङस्थित गह्रौं प्राथमिक अस्पताललाई यहाँका सहकारी तथा संघ संस्थाहरुले शय्या हस्तान्तरण गरेका छन् ।
द्रूत गतिमा फैलिरहेको कोभिड १९ को संक्रमण रोकथाम तथा नियन्त्रणका लागि अस्पतालमा निर्माणाधीन आइसोलेसन कक्षका लागि शय्या हस्तान्तरण गरेका हुन् ।
‘१ संस्था १ शड्ढया’ हस्तान्तरण अभियानअन्तर्गत यहाँका १८ सहकारी तथा संघ संस्थाद्वारा सामूहिकरुपमा अस्पताललाई १८ शड्ढया हस्तान्तरण गरेका हुन् ।
महामारीको रुपमा फैलिएको कोभिडको रोकथामका लागि नगरपालिकाले जनस्वास्थ्य विपद अवस्थाको घोषणा गरी नियन्त्रणलाई अगाडि बढाइरहेका बेला विभिन्न संघ संस्था तथा सहकारीद्वारा प्राप्त सहयोगप्रति नगरप्रमुख दिलीप्रताप खाँडले आभार व्यक्त गरे ।
‘कोभिड रोकथाम तथा नियन्त्रणका लागि नगरपालिकाले आइसोलेसन कक्ष निर्माण गरिरहेको हुँदा इच्छुक संघ संस्था तथा व्यक्तिलाई सहयोगका लागि आह्वान ग¥यौं,’ नगर प्रमुख खाँणले भने । उनले भने, ‘नगरपालिकाले गरेको आह्वानलाई स्वीकार गर्दै वालिङस्थित सहकारीहरु तथा संघ संस्थाद्वारा आधुनिक शय्या उपलब्ध गराउनुभएको छ ।’
सहकारी तथा संघ संस्थाले उपलब्ध गराएका शय्याहरुको सदुपयोग गर्दै संक्रमितको उपचार कक्षमा प्रयोग गर्ने उपप्रमुख कल्पना तिवारीले स्पष्ट पारिन् ।
उनले अस्पतालमा आइसोलेसन निर्माण कार्य अन्तिम चरणमा पुगेको बताउँदै संक्रमितको अवस्था हेरी अन्य स्थानमा पनि आइसोलेसन कक्ष सञ्चालन गर्ने प्रक्रियामा रहेको जानकारी दिइन् ।
संक्रमणका बेला सहकारीले यहाँका नागरिकहरुको जीवन रक्षाका लागि सहयोग पुगोस् भन्ने हेतुले अस्पताललाई शय्या उपलब्ध गराएको समन्वयकारी भूमिका खेलेका जिल्ला बचत तथा ऋण सहकारी संघका लेखा समिति संयोजक मुक्तिप्रसाद पाण्डेले बताए ।
‘सहकारीले विपदका समयमा मानवीयतालाई अगाडि सारेर अग्रपंक्तिमा रहेर काम गर्नुपर्छ भन्ने मान्यताले समन्वय र सहकार्य ग¥यौं,’ पाण्डेले भने । ‘इच्छुक सहकारीबीच छलफल ग¥यौं र शय्या उपलब्ध गराउने निर्णय गरी हस्तान्तरण गरेका हौं ।’
Related News
सम्बन्धित समाचार
जलवायु परिवर्तन असर : मुस्ताङको स्याउ उकालो चढ्दै
गण्डकी प्रदेश स्क्वास ¥याकेट संघमा रञ्जित
नवलपुरमा २५ सय हेक्टर वन सखाप
खेल्छ गण्डकी अभियानमा ३५ बालक सहभागी
गण्डकीमा डायलासिसका लागि अब पालो कुर्न नपर्ने
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१