पोखरा । प्रधानमन्त्री केपी शर्मा ओलीले संसदमा विश्वासको मत गुमाएका छन् । आज डाकिएको विशेष अधिवेशनको बैठकमा मतदान हुँदा उनले ९३ मत पाए । उनको विपक्षमा १२४ मत परेको छ । १५ जना सांसद तटस्थ बसेका छन् । बैठकमा २३२ सांसद उपस्थित थिए ।

संसदमा विश्वासको मत गुमाएपछि उनका पद स्वत गएको छ ।

प्रधानमन्त्री ओलीले आजै मन्त्रीपरिषद बैठक डाकेका छन् । बैठकले के निर्णय गर्ला भनेर धेरैथरी आँकलन गरिएको छ ।

यसअघि सदनमा उठेका विषयमा जवाफ दिँदै उनले आफूलाई विश्वासको मत नदिए संसद् विघटन गर्ने चेतावनी दिएका थिए ।

विश्वासको मत लिनका लागि बोलाइएको प्रतिनिधिसभाको बैठकमा दलका प्रतिनिधिहरुले उठाएका प्रश्नको जवाफ दिने क्रममा उनले विश्वासको मत नपाए संसद् विघटन गर्ने संकेत गरेका हुन्।

उनले भने, ‘डेढ वर्षमा त चुनाव हुन्छ। त्यति बेला संसद्को हत्या गरेको होरु संविधान बनाउँदाको मर्म सम्झनुभयोरु ठिक छ, पाँच वर्ष चलाऔं न त। त्यसकै लागि मैले विश्वासको मत मागेको छु। किन राजीनामा नदिएको भन्दा पाँचै वर्ष चलाउन। कुरो स्पष्ट छ, पटक पटक अस्थिरता ननिम्त्यिाऔं। मत दिनुभयो भने संसद् विघटन हुँदैन। आफैं मत नदिएर विघटनतिर धकेल्ने अरुलाई दोष लाउनेरु भिरबाट हामफाल्ने अनि गुरुत्वाकर्षणलाई दोष दिनेरु भाषा एउटा काम अर्को, व्यवहार एउटा कुरा अर्को नगरौं। संसद् बचाऔं भोट दिऔं।

अर्काे बैठक वैशाख ३० गते बस्ने भएकाे छ ।