पोखरा । नेपाल पत्रकार महासंघ कास्कीले कोभिड संक्रमणका बेला आफ्ना सदस्यहरुसँग सम्पर्क र समन्वय गर्न लागि ‘क्विक रेस्पोन्स टिम’ गठन गरेको छ ।
महासंघको आइतबार भएको दोस्रो बैठकले अध्यक्ष विमला भण्डारीको संयोजकत्वमा ७ सदस्यीय ‘क्विक रेस्पोन्स टिम’ गठन गरेको हो । टिममा अध्यक्ष भण्डारीसहित उपाध्यक्ष रामप्रसाद तिमिल्सिना, जमुना शर्मा वर्षा, सचिव माधव बराल, सहसचिव श्रीराम सिग्देल, रेम विक र कोषाध्यक्ष कृष्ण दवाडी छन् । साथै टिममा सम्बन्धित क्षेत्रका विज्ञ व्यक्तित्व रहनेछन् । यो टिमले कास्कीमा क्रियाशील पत्रकारलाई आपतकालीन समस्या आइपरेमा तत्कालै आवश्यक समन्वय गर्नेछ । सञ्चारकर्मीमा कोरोना संक्रमण भएमा वा कोरोनाकै कारण केही समस्या परेमा ‘क्विक रेस्पोन्स टिम’ लाई जानकारी गराउन आग्रह गरिएको छ । कार्यसमिति सदस्यले आफू रहेको वडास्थित अन्य पत्रकारहरुसँग समन्वय र सम्पर्क गर्ने निर्णय पनि महासंघको बैठकले गरेको छ । समस्या समाधानका लागि ‘क्विक रेस्पोन्स टिम’ ले समन्वयन गर्नेछ ।
टिमले कोरोना संक्रमणका कारण पत्रकारहरुमा आइपरेका समस्यालाई तत्काल पहलकदमी लिने र समाधानका लागि पहल गर्नेछ
यसैगरी बैठकले महासंघको ७ सदस्यीय सचिवालय समितिसमेत गठन गरेको छ । सचिवालय सदस्यमा महासंघका अध्यक्ष विमला भण्डारी, उपाध्यक्ष रामप्रसाद तिमिल्सिना, जमुना शर्मा वर्षा, सचिव माधव बराल, सहसचिव श्रीराम सिग्देल, रेम विक र कोषाध्यक्ष कृष्ण दवाडी छन् ।
बैठकले महासंघको सदस्यता परिचयपत्र लिन छुटेकालाई महासंघमा सम्पर्क गर्न आग्रह गर्दै स्वास्थ्य सामग्री वितरणलाई निरन्तरता दिने निर्णय गरेको छ । कोरोना महामारीको समयमा पत्रकारलाई सतर्क रहेर काम गर्न पनि महासंघले आग्रह गरेको छ ।
यता, पत्रकार महासंघ गण्डकी प्रदेश समितिको आइतबार भएको बैठकले महासचिव गोविन्द सुवेदीको संयोजकत्वमा कोषाध्यक्ष राजेन्द्र न्यौपाने तथा सदस्यहरु रञ्जित शर्मा,प्रकाश डोटेल र रमेश वस्ताकोटी रहेको क्विक रेस्पोन्स टिम तयार पारेको छ । उक्त टिमले कोरोना संक्रमणका कारण पत्रकारहरुमा आइपरेका समस्यालाई तत्काल पहलकदमी लिने र समाधानका लागि पहल गर्नेछ ।
गण्डकीमा हाल १० जना पत्रकार सक्रिय संक्रमित छन् । बैठकले प्रदेश र देशभरसमेत संक्रमित पत्रकार तथा सञ्चारकर्मीहरुका साथै सम्पूर्ण संक्रमितहरुमा शीघ्र स्वास्थ्य लाभको कामना गरेको छ ।
बैठकले कार्यक्षेत्रको फिल्डमा खटिएका सबै पत्रकार सञ्चारकर्मीको पिसिआर परीक्षणको व्यवस्था गर्न, खोपको व्यवस्था मिलाउन र कोरोना संक्रमण भई उपचारको आवश्यकता भएका पत्रकारहरुका लागि निशुल्क उपचारको प्रबन्ध मिलाउन केन्द्र सरकार, प्रदेश सरकार, स्थानीय सरकार र सरकार मातहतका स्वास्थ्य संस्थालाई आग्रह गरेको छ ।
अहिलेको यस विषम परिस्थितिमा स्वास्थ्य सुरक्षा तथा पेसागत सुरक्षामा आपतकालीन टोली नै बनाएर काम गर्न र आइसोलेसन सेन्टरको व्यवस्थासहित जोखिम न्यूनीकरणका लागि सक्रिय सहभागिता जनाउन प्रदेश अन्तर्गतका सबै जिल्ला शाखाहरुलाई प्रदेश समितिले अनुरोध पनि गरेको छ ।
Related News
सम्बन्धित समाचार
पार्टी अफिस बनाउँदै कांग्रेस गण्डकी प्रदेश समिति, बास्तोला तोकिए संयोजक
क्यानडा पढ्न जानेलाई दूतावासको सुझाव : विद्यार्थीले सोचेजस्तो छैन, विचार गरेर आउनुस्
४ दिनपछि पोखरा अन्तर्राष्ट्रिय विमानस्थलमा नियमित उडान र अवतरण
नेविसंघ केन्द्रीय प्रवक्ताको जिम्मेवारी जुम्लाका सुरज सेजुवाललाई
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
राप्रपाले साथ नदिने भएपछि अधिकारी सरकार संकटमा, अब के होला ?
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१