स्याङ्जा । भीरकोटका व्यवसायीले सर्वसाधारणलाई मास्क उपलब्ध गराएका छन् । कोरोना संक्रमण न्यूनीकरणका लागि अनिवार्य मास्कको प्रयोग गरौं नारासहित उनीहरुले मास्क वितरण गरेका हुन् ।
कोरोना संक्रमणको दर ह्वात्तै बढ्दा पनि मास्कसम्म नलगाई यत्रतत्र हिड्ने वा सामान खरिद बिक्रीका लागि बजार आउनेलाई व्यापारीले मास्क उपलब्ध गराएका हुन् ।
स्थानीय पालिका र सरकारले तोकेका स्वास्थ्य मापदण्ड अपनाउन सुझाव दिँदै भीरकोट नगरपालिका १ बयरघारीबजारस्थित राधाकृष्ण टोल ९९ चोकका व्यापारीहरुले निशुल्क मास्क वितरण गरेका हुन् ।
अभियान सुरु गर्दै नगरप्रमुख छायाराम खनालले चोकबाट सुरु गरिएको अभियान अन्य बजार क्षेत्रमा पनि बिस्तार गर्न सुझाव दिए । उनले भने, ‘संक्रमण दिनानुदिन बढ्दो छ । स्वास्थ्य सुरक्षा मापदण्ड अपनाउन जरुरी छ ।’
खनालले सामान्य समेत लक्षण देखिएमा तत्काल परीक्षण गर्न समेत सुझाव दिए । व्यापारीले पैदल यात्री, सवारी साधनमा सवार यात्रु तथा चालक तथा सामान खरिद बिक्रीका लागि आउने सबैलाई मास्क बाँडेका छन् ।
मास्क र सेनिटाइजरको प्रयोगले संक्रमण नियन्त्रणमा धेरै सहयोग पुग्ने भएकाले सचेतना दिनकै लागि यो अभियान सुरु गरिएकोे राधाकृष्ण टोल विकास समितिका अध्यक्ष ढाकाराम खनालले जानकारी दिए ।
अभियानमा उद्योग वाणिज्य संघ, नगरपालिकाका कर्मचारी, सुरक्षाकर्मी लगायतको सहभागिता थियो । स्याङ्जामा पछिल्लो समय कोरोना संक्रमितको संख्या बढ्दो छ । हालसम्म १ सय ९१ जनामा कोरोना संक्रमित रहेको स्वास्थ्य कार्यालय स्याङ्जाले जनाएको छ ।
Related News
सम्बन्धित समाचार
प्रदेश विघटन हुन जोगाउने जिम्मा सभामुखको हो : माओवादी नेता चुमान
मुख्यमन्त्रीलाई विश्वासको मत दिन सकिन्न ः पञ्चराम गुरुङ
मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
विश्वासको मतअघि अधिकारी सरकारले वितरण गर्यो ५० लाख आर्थिक सहायता
hero news full width
मुख्य समाचार
गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१