पाेखरा ।  पछिल्लो २४ घण्टामा ९०० जना कोरोना संक्रमित थपिएका छन्।

स्वास्थ्य तथा जनसंख्या मन्त्रालयका अनुसार ६ हजार १५८ जनाको पिसिआर परीक्षण गर्दा ९०० जना संक्रमित पुष्टि भएको स्वास्थ्य तथा जनसंख्या मन्त्रालयले जनाएको छ।

योसँगै हालसम्म कोरोना संक्रमितको संख्या २ लाख ८२ हजार ८९० जना पुगेको छ। पछिल्लो २४ घण्टामा कोरोना संक्रमणका कारण मृत्यु हुनेको संख्या ४ जना छ। हालसम्म कोरोना संक्रमणका कारण मृत्यु हुनेको संख्या ३ हजार ७० पुगेको छ।

केही दिनयता कोरोना संक्रमितको संख्या बढ्दै गएको भए पनि पछिल्लो २४ घण्टामा केही महिनायताकै ठूलो संख्यामा संक्रमित थपिएका हुन्।

युके भेरियन्टको कोरोना संक्रमणसँगै मुलुकमा कोरोनाको दोस्रो लहर चलेको छ। छिमेकी मुलुक भारतमा पछिल्ला २ दिनयता २ लाखभन्दा बढी संख्यामा कोरोना संक्रमित थपिँदै आएका छन्।