पाेखरा । माओवादी केन्द्र सरकारबाट बाहिरिए लगत्तै मुख्यमन्त्री पृथ्वीसुब्बा गुरुङले नयाँ शिराबाट राजनीतिक छलफल चलाएका छन् । उनले बिहीबार बिहानै राष्ट्रिय जनमोर्चाका संसदीय दलका नेतालाई बोलाएर सरकारमा सहभागी हुन आग्रह गरे । दलका नेता कृष्ण थापाले सरकारको समर्थन कायमै रहेको र अहिले सरकारमा जाने निर्णयमा आफूहरु नपुगेको बताएका छन् ।
२ मन्त्रीको राजीनामापछि कृषि मन्त्रालय मुख्यमन्त्री र आन्तरिक मामिला मन्त्रालय भौतिक पूर्वाधार विकास मन्त्रीको जिम्मामा छ
‘पहिले नै एउटा सभापति र एउटा मन्त्री लिनुस् भन्नुभएकै हो । अहिले परिस्थितिले माओवादी सरकारबाट बाहिरियो, मुख्यमन्त्रीले हाम्रो दललाई प्रस्ताव गर्नुभएको छ,’ उनले भने, ‘मैले टुंगो दिएको छैन । सरकारमा जान कुनै हतारो देखाएका छैनौं ।’ माओवादीका मन्त्रीले राजीनामा बुझाएपछि आन्तरिक मामिला तथा कानुन मन्त्रालय र भूमि व्यवस्था, कृषि तथा सहकारी मन्त्रालय मन्त्रीविहीन छन् । अहिले कृषि मन्त्रालय मुख्यमन्त्रीले आफ्नै मातहतमा लिएका छन् भने आन्तरिक मामिला तथा कानुन मन्त्रालय भौतिक पूर्वाधार विकास मन्त्री रामशरण बस्नेतको मन्त्रीको जिम्मामा छ । दुवै मन्त्रालय दिएर भए पनि मुख्यमन्त्री आफ्नो सत्ता टिकाउन जोडबल गरिरहेका छन् ।
‘सँगै भएर विश्वाससाथ अघि बढौं भनेर प्रस्ताव गर्नुभएको हो । अवस्था हेरेर जनमोर्चाले निर्णय गर्छ । ठ्याक्कै छलफल चलाएको छैन । अरुले पनि कुरा गरौं भन्नुभएको थियो,’ थापा भन्छन्, ‘माओवादीले मन्त्री छोडे पनि समर्थन छोडेको छैन । हामीले चाहेको कम्युनिस्ट पार्टीले नयाँ सन्देश देओस् भन्ने हो । हामीसँग त सरकार सञ्चालन गर्ने संख्या पनि कम भयो ।’ जनमोर्चाका अरु सांसदहरु पनि स्थायित्वका लागि जुनसुकै निर्णय परेपनि आफूहरु स्वीकार्न तयार रहेको बताउँछन् । पियारी थापा कसैले मुख्यमन्त्रीविरुद्ध अविश्वासको प्रस्ताव ल्याए समर्थन गर्ने बताए । ‘अहिलेको सरकारमा जाने कि नजाने ट्याक्कै निर्णय गरेको छैन । थप गृहकार्य पनि भएको छैन । भेटघाट सामान्य भइरहेको छ,’ उनी भन्छिन्, ‘पहिलेको पनि स्थायित्वका लागि समर्थन हो । अविश्वासको प्रस्ताव कसैले ल्यायो भने हामी त्यही अनुसार जानुपर्छ । प्रस्तावमै समर्थन गर्नुपर्छ । नयाँ सरकार बनाउन हामी बाटो खोल्छौं ।’
यता नेपाली कांग्रेसले बनाएको वार्ता कमिटीका संयोजक कुमार खड्काले अनौपचारिक रुपमा सबै एकै भएर जाने कुरामा छलफल भइरहेको बताए । ‘माओवादी र जनता समाजवादीले कित्ता क्लियर गरिसके । निर्णायक भनेको जनमोर्चा हो,’ उनले भने, ‘जनमोर्चाको केन्द्रीय नेतृत्वसँग कांग्रेस र माओवादीका नेताले कुरा गरेका छन् । कुरा सकारात्मक छ ।’ उनले जनमोर्चाले प्रदेश तहमा पनि लचिलो व्यवहार देखाएको बताए । ‘यताको टिमले अनौपचारिक कुरा हुँदा ठाडो उत्तर दिएको छैन । अहिले सँगै जाने स्थितिको परिकल्पनामा लचिलो हुनुहुन्छ,’ उनी भन्छन्, ‘माओवादीले समर्थन फिर्ता लिने निर्णय पनि भएको छैन । केन्द्रीय नेतृत्वलाई कुरेका छन् । वार्तामा बस्दाखेरि यो कुराहरुको टुंगो हुन्छ ।’
उता सरकार पक्ष भने सबैसँग छलफलको बाटो खुला रहेको बताउँछ । ‘जनमोर्चासँग कुराकानी भयो । जसपासँग पनि भइरहेकै छ । अब कांग्रेससँग कुरा हुन्छ,’ सरकारका प्रवक्ता रामशरण बस्नेतले भने, ‘अहिले नै कसैलाई कुनै अफर दिइएको छैन । सबैसँग वार्ताको ढोका खुला राखेका छौं ।’ स्रोतका अनुसार जनमोर्चालाई मुख्यमन्त्रीले २ वटै मन्त्रालय दिन पनि तयार देखिएका छन् । तर प्रवक्ता बस्नेतले भने पदको कुनै छिनोफानो नभएको बताए । ‘अहिले पनि वहाँहरु सभापति हुनुहुन्छ । मन्त्री दिने नदिने छिनोफानो भएको छैन । दिँदा कति दिने भन्ने सवालै छैन,’ उनले भने, ‘अहिले २ मन्त्रीले राजीनामा दिनुभयो । वार्ता र संवादबाट एउटा निष्कर्ष निस्किन्छ । अहिले नै मन्त्री थप्ने योजना छैन ।’ मुख्यमन्त्री गुरुङले माओवादी मन्त्रीको राजीनामाले संघीयता कमजोर भएको प्रतिक्रिया दिएका छन् ।
माओवादी अहिले नै अविश्वासको प्रस्ताव ल्याउने पक्षमा देखिँदैन । कांग्रेस र जसपासँग गठजोड मजबुत बनाउने तयारीमै छ । अहिले गण्डकीमा नेकपा एमालेको २८ (स्वतन्त्र राजीव गुरुङ एमाले प्रवेश गरेका हुन्) भने कांग्रेससँग १५, माओवादीसँग १२, जनमोर्चाको ३ र जसपाका २ सांसद छन् । ४ वटा पार्टी रहेको प्रदेशसभामा ५ पार्टी कायम भएको छ । एमालेले अरुको समर्थन बिना एकल सरकार बनाउन सक्ने अवस्था छैन ।
Related News
सम्बन्धित समाचार
प्रतिभामा सिमसार बहस गर्दै विद्यार्थी
सहारा एकेडेमीका ६ खेलाडी ब्रिगेड ब्वाइजमा अनुबन्धित
कोटीहोम गोलचक्करमा पोखरा
थ्रिस्टार सेमिफाइनलमा प्रवेश
पूर्वराजा ज्ञानेन्द्र पोखरामा
hero news full width
मुख्य समाचार
गण्डकी धौलागिरी पेट्रोलियममा मोहन
सम जयन्तीमा रंगकर्मीको सम्मान
माघ २८, २०८१बार काउन्सिल पार्षद् सदस्यमा दयाराम गौतम निर्वाचित
माघ २६, २०८१‘ब्याक टु नाइन्टिज’ आज, पोखराका चर्चित ७ ब्याण्ड एकै स्टेजमा
माघ २६, २०८१बेलायती अधिराजकुमार र अधिराजकुमारीद्वारा परेड अवलोकन
माघ २५, २०८१थण्डरबोल्ट क्वाटरफाइनलमा, संकटा पराजित
माघ २५, २०८१