पोखरा । १९ आहारारा गोल्ड कप फुटबल प्रतियोगिताको अफिसियल इन्स्योरेन्स पार्टनरमा प्रभु इन्स्योरेन्स कम्पनी बनेको छ । कम्पनी र क्लबबीच बुधबार सम्झौतापत्रमा हस्ताक्षर भएको हो ।

क्लब अध्यक्ष केशवबहादुर थापा, पूर्वअध्यक्ष विक्रम थकाली, निवर्तमान अध्यक्ष वीरभद्र आचार्य र प्रभु इन्स्योरेन्स कम्पनी गण्डकी प्रदेशका प्रमुख रवीन्द्र श्रेष्ठबीच सम्झौतापत्र आपसमा आदानप्रदान भएको क्लबले जनाएको छ ।

प्रभु इन्स्योरेन्सले प्रतियोगितामा सहभागी खेलाडी एवं अफिसियलको दुर्घटना बिमा गराउने सम्झौता भएको जनाइएको छ ।

आहारारा गोल्डकप चैत २१ देखि २८ सम्म पोखरा रंगशालामा हुँदैछ । प्रतियोगितामा ८ टिमले भाग लिँदैछन् ।