सामुदायिक वन उपभोक्ता महासंघको परिषद् काहुँमा

आदर्श समाज सम्वाददाता
चैत्र ३, २०७७
fecofun

पोखरा  । सामुदायिक वन उपभोक्ता महासंघ गण्डकीको प्रथम परिषद् पोखराको पर्यटकीयस्थल काहुँडाँडामा हुने भएको छ ।

पोखरा ११ स्थित काहुँ अन्तर्गतका १० सामुदायिक वन समूह एवं विभिन्न संघसंस्थाको संयुक्त बैठकले चैत ७ मा काहुँमा परिषद् बस्ने निर्णय गरेको हो ।

सोको लागि विभिन्न समिति गठन गरिएको छ । नारायणप्रसाद आचार्य संयोजक तथा सोमनाथ आचार्य, खेमराज आचार्य, हिराबहादुर केसी, नन्दलाल आचार्य र गिरधारी बराल सदस्य रहेको भोजन तथा आवास व्यवस्थापन समिति, सूर्यबहादुर कार्की संयोजकत्वको मञ्च व्यवस्थापन तथा कुमारबहादुर क्षेत्री संयोजकत्वमा प्रचार प्रसार समिति गठन गरिएको छ ।

यस्तै, खानेपानीतर्पm इन्द्रबहादुर खत्री, स्वागतमा अम्बिका आचार्य, भोजन तथा आवास व्यवस्थापन समितिमा संयोजक नारायणप्रसाद आचार्यलाई चयन गरिएको छ ।

काहुँ विशेषगरी ढकमक्क फुलेको लालीगुराँस सहित त्यहाँबाट आँखै अगाडि मनोरम हिमालको दृश्यावलोकनका लागि चर्चित छ ।

परिषद्मा प्रदेशका ११ जिल्ला अन्तर्गत ८० स्थानीय महासंघ, केन्द्रीय पदाधिकारी तथा सदस्य, प्रदेश समिति, जिल्ला महासंघ सहित २ सय ५० जनाको सहभागिता रहने महासंघ गण्डकी प्रदेशका अध्यक्ष कालिदास सुवेदीले जानकारी दिए ।

Related News

सम्बन्धित समाचार

hero news full width