पोखरा । विसं २००७ का प्राजातान्त्रिक आन्दोलनका योद्धा प्रजातन्त्र सेनानी दयाप्रसाद मर्सानीको निधन भएको छ ।

विसं १९९० चैत ३ गते जन्मेका उनको पोखरा महानगरपालिका ९ न्युरोडस्थित आफ्नै निवासमा बस्थे । सोमबार राति उनकाे निधन भएको हो ।

सोमबार राति एक्कासी स्वास्थ्यमा समस्या देखिएपछि अस्पताल लैजादै गर्दा बाटोमै मृत्यु भएको स्रोतले जानकारी दिएको छ । ८७ वर्षमा निधन भएको मर्सानीको मंगलबार पोखरा तुल्सीघाटमा अन्त्येष्टी गरिने भएको छ ।

पूर्व निजामती कर्मचारी उनी महेन्द्र मावि नयाँबजारको पूर्व विद्यायल व्यास्थापन समिति अध्यक्ष, नयाँ सडक सुधार समितिका पूर्व सल्लाकार र राष्ट्रिय माविको पूर्व शिक्षक पनि हुन् । नेपाली कांग्रेसको राजनितिमा सक्रिय मर्सानी पछिल्लो समय पनि क्रियाशील थिए । उनको मृत्यूले पार्टीलाई अपुरणीय क्षति भएको नेपाली कांग्रेसका नेता शुक्रराज शर्माले बताए ।

उनका ४ छोरा र १ छोरी रहेका छन् । स्व. मर्सानीका छोरा दीपेन्द्र मर्सानी नेपाली कांग्रेस कास्की क्षेत्र नं. २ प्रदेश ख का सभापति हुन् ।