दमौली । व्यास नगरपालिका अन्तर्गत विभिन्न नदीनालामा दिनहुँ नदीजन्य सामग्रीको चोरी निकासी हुने गरेको छ । वडा ५, मादीको पुलमुनि रातिको समयमा बालुवा, गिट्टी लगायत नदीजन्य पदार्थ निकाल्ने काम भएको पाइएको हो । नदीजन्य पदार्थको उक्त क्षेत्रमा ठेक्का नलागेपछि स्थानीय आवश्यकता पूरा गर्न तस्कर गिरोह चोरी निकासीमा सक्रिय भएका हुन् ।
ठेक्कामार्फत सञ्चालन हुँदै आएको मादी नदीघाट यस वर्ष व्यास नगरपालिका आफैँले सञ्चालन गरेको हो । व्यास वडा ४, ५, ६, ७ र १० अन्तर्गत मादी नदीबाट ढुंगा, गिट्टी, बालुवा संकलनका लागि नगरपालिका आफैँले घाट सञ्चालन गरेको र गत वर्षको भन्दा भाग बढी भएकाले तस्करले रातारात नदीमा ट्याक्टर लगेर खोलाबाट बालुवा र ढुङ्गा निकाल्ने काम भएको हो ।
अझ मादीको पुलबाट ५ सय मिटर तल र माथि नदीजन्य पदार्थ निकाल्न नपाउने नियम भए पनि तस्करले दैनिक रुपमा चोरी गर्दै आएका छन् । बिक्री गर्न २ पटकसम्म ३० दिने सार्वजनिक सूचना प्रकाशित गरिएकामा बोलपत्र लाग्न नसकेको भन्दै नगरपालिकाले आर्थिक ऐन, २०७७ अनुसार घाट सञ्चालन गदै आएको हो । नदीमा ठेक्का नलागेपछि तस्करले पहिलेको तुलनामा बालुवा ढुंगाको भाउ पनि बढाएका छन् । मादी नदीको धार परिवर्तन गर्दा थुपारिएका बालुवा तथा गिट्टी दैनिक ३/४ वटा ट्याक्टरले बालुवा चोरी गरिरहेको स्थानीयवासीले बताएका छन् ।
पुलको पश्चिमपट्टि पिलरको भागमा बढी गहिरिएर जान थालेपछि पुलको अस्तित्व संकटमा पर्दै गएकाले संरक्षण गर्न नदीको धारमा परिवर्तन गरिएको थियो । नदीमा ठेक्का नलाग्दा नगरपालिकालाई दैनिक लाखौँको घाटा भएको छ भने जथाभावी बालुवा चोरी हुँदा वर्षात्मा समस्या आउने जानकारले बताएका छन् । अनुगमन प्रभावकारी नहुँदा पनि चोरी निकासी बढेको स्थानीय बताउँछन् ।
त्यसैगरी व्यास र ऋषिङ जोडने सुँडेपुल तल पनि दिउँसोको समयमा दैनिक नदीजन्य पदार्थ चोरी निकासी भइरहेको छ । प्रमुख प्रशासकीय अधिकृत डिल्लीराम सिग्देलले तस्करलाई कारबाही दायरामा ल्याउने बताउँछन् । ‘हामीले रातको समयमा पनि अनुगमन गरेका छौं । बुधबार बिहान पनि २ ट्याक्टर नियन्त्रणमा लिएर जरिवाना गरायौं,’ उनले भने, ‘पहिलेको तुलनामा चोरी कम भएको छ । न्यूनीकरण गर्न हामी प्रयासमा छौं ।’ प्रहरीसँग समन्वय गरी अनुगमनलाई तीव्रता दिएको उनको आश्वास छ ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१