पोखरा । भलिबलका पूर्व राष्ट्रिय खेलाडी उदयबहादुर बस्नेतको स्मृतिमा पोखरा १६ को हिमालय क्लबले अक्षयकोष स्थापना गरेको छ ।

क्लबका मानार्थ सदस्यसमेत रहेका बस्नेतको स्मृतिमा क्लबले अक्षयकोष स्थापना गरी १ लाख ११ हजार १ सय ११ रुपैयाँ प्रदान गरेको कोषाध्यक्ष शिवराज देवकोटाले जानकारी दिए ।

कास्की जिल्लामा रही भलिबलको विकासमा उत्कृष्ट योगदान पु¥याउने खेलाडी एवं खेल संस्थालाई प्रत्येक वर्ष नगद १० हजार, सम्मान पत्रबाट पुरस्कृत गरिने सचिव प्रकाश थापाले बताए ।

अक्षयकोष व्यवस्थित सञ्चालन गर्ने गरी नियमावली बनाउन क्लबले कार्य समिति सदस्य एवं भलिबलका पूर्व राष्ट्रिय खेलाडी योगेन्द्रबहादुर बस्नेतलाई जिम्मेवारी दिएको छ ।

खेल तथा सामाजिक क्षेत्रमा महत्वपूर्ण योगदान पु¥याएका उदयबहादुर भलिबलका पूर्व राष्ट्रिय खेलाडी तथा कास्की जिल्ला भलिबल संघका संस्थापक अध्यक्ष थिए ।