पोखरा । गण्डकी प्रदेश सांसद राजीव पहारीले पोखराको २३ नम्बर वडा गण्डकीमै सबैभन्दा धेरै विकास निर्माणको काम गरिएको वडा भएको बताएका छन् ।
‘नेपालभरिमै बजेटको तुलना गर्ने हो भने प्रदेश सरकारबाट सबैभन्दा धेरै बजेट विनियोजन भएको वडा यो हो । करिब ५० करोड बजेट यहाँ छ,’ उनले भने, ‘कहिलेकाहीँ कार्यान्वयनमा समस्या हुन्छ । काम नहुँदा बजेट आउँदैन । निर्माण व्यवसायी र उपभोक्ताका कारण समयमा काम हुँदैन । अब कसैले ढिलासुस्ती नगरौं ।’ यो वर्षमात्रै २३ नम्बर वडामा २ दर्जन हाराहारी योजना कार्यान्वयन चरणमा रहेको उनले जानकारी दिए । पहारीले समयमै गुणस्तरीय काम गर्न सबैले घच्घच्याउनुपर्ने बताए । निर्माण व्यवसायीले समेत ढिलासुस्ती गरे कालोसूचीमा राख्न पहल गर्ने उनको भनाइ छ ।
यो वडामा पहिलो पटक पक्की बाटो बन्न थालेको छ । ४० लाख लागतमा ३ सय मिटर सडक कालोपत्रे गर्न लागिएको हो । यो अभियान निरन्तर चल्ने उनको भनाइ छ । सांसद पहारीले फेवातालको संरक्षणका लागि माथिल्लो तटीय क्षेत्रको सुरक्षा गर्नुपर्ने बताए । ‘माथिल्लो तटीय क्षेत्रको संरक्षण नगरेसम्म फेवाताल संरक्षण हुँदैन । त्यसैले सिल्ट्रेसन ड्याम बनाइएको छ,’ उनी भन्छन्, ‘प्रत्येक वर्ष आउने बालुवा, गिटी बेचेर हुने आम्दानीको पैसा यिनै वडामा खर्च गर्नुपर्छ । त्यसपछि यहाँको विकासले तीव्रता पाउँछ ।’
उनले २ वर्षभित्रै पञ्चासेसम्म कालोपत्रे सडक पु¥याउने दाबी गरेका छन् । ‘मेरो कार्यकाल अब २ वर्ष बाँकी छ । यहीँ कार्यकालमा पञ्चासेसम्म कालोपत्रे बाटो पुग्छ । वल्र्ड बैंकसँग सम्झौता भएको छ,’ पहारीले भने, ‘यहाँको विकासका लागि मलाई जिताउनुभएको हो । सकेको विकासमा म दिनरात लाग्छु । लागिरहन्छु ।’ उनले शनिबार २३ नम्बर वडाको विकास निर्माणको अनुगमन गरेका छन् । घाँटीछिनादेखि मकवानपुर हुँदै भन्ज्याङ निस्किने सडक निर्माण र स्तरोन्नति भैरहेको छ ।
स्थानीयले भूगोलका कारण यो क्षेत्रको विकास पछाडि परेको बताए । ‘करोडौं पैसा खर्च भयो । तर बाटो छिचोलिएन । बालुवामा पानी हालेजस्तो भएको छ,’ वडा नम्बर २३ का अध्यक्ष विष्णु पराजुलीले भने, ‘अब ठूलो बजेटले मात्रै काम हुन्छ । सानो बजेट हरायो ।’ पालिकाको पैसाले ठूला आयोजनामा काम गर्न नसकिने भएकोले प्रदेश र संघले सहयोग गर्नुपर्ने उनको भनाइ छ ।
सडक उपभोक्ता समिति अध्यक्ष दामबहादुर विश्वकर्माले सकेसम्म गुणस्तरीय काममा आफूहरुले बढी जोड दिएको बताए ।
Related News
सम्बन्धित समाचार
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
मुख्यमन्त्रीलाई विश्वासको मत दिन सकिन्न ः पञ्चराम गुरुङ
मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
hero news full width
मुख्य समाचार
गण्डकी प्रदेश सभाको बैठक ३० मिनेटका लागि स्थगित
गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१