हेमजा । मर्दी हिमाल पुग्न कास्कीमा नयाँ पदमार्गको निर्माण सुरु भएको छ । हेमजाको मेलबोटबाट सुरु भई सुनझाँक्री, झिर्झिका, अस्ताम, धम्पुस हुँदै मर्दी हिमाल पुग्ने नयाँ पदमार्गको निर्माण सुरु गरिएको हो ।
गण्डकी प्रदेश सरकारको १० लाख तथा जनसहभागिता १ लाख गरी कुल ११ लाख रुपैयाँ लागतमा उक्त मार्ग निर्माण सुरु गरिएको समिति अध्यक्ष विश्वराज अधिकारीले जानकारी दिए ।
निर्माणअन्तर्गत यसपटक मेलबोटदेखि अस्तामसम्म बाटोको झाँडी फाँड्ने, कुल २ सय ३० मिटर बाटोमा सिँढी हाल्ने र ५० मिटर रेलिङ निर्माण हँुदैछ । जसका लागि मेलबोट र अस्ताम दुवै खण्डबाट कार्य थालिएको छ। दैनिक २० मजदुरले कार्य गरिरहेका छन्।
सम्झौतामा कुल २ सय ३० मिटरको झाँडीमात्रै फाँड्ने भने पनि आफूहरुले जनसहभागिता जुटाएर मेलबोटदेखि अस्तामसम्म करिब ५ किलोमिटर बाटोको झाँडी फाड्ने समिति सचिव कृष्णबहादुर कुँवरले बताए । मंसिर २ देखि सुरु उक्त कार्य ढिलोमा पुस मसान्तसम्म सक्ने समितिको योजना छ ।
उक्त मार्गको मेलबोट अस्ताम खण्डमा लालीगुराँसको जंगल, सिलीपिङ बुद्घ भ्यू पोइन्ट, रुद्रमहादेव, पञ्चेबाँजा पार्क, सुनझाँक्रीको थान, देउराली माईको मन्दिर लगायत जंगली जनवार, पुराना तोरी पोल्ने कोलहरु र विभिन्न प्रजातिका वनस्पतिको पनि अवलोकन गर्न सकिने छ।
त्यस्तै, समितिले मार्गको बीचबीचमा विश्राम र योगस्थल साथै छुट्टै रुपमा साइकल ट्रयाक निर्माणको लक्ष्य पनि राखेको छ । मार्ग निर्माणमा स्थानीय ४ सामुदायिक वन तीब्रेकोट, धुवाउने, झिर्झिका धुवाउने र गर्भेकुनाको क्षेत्र प्रयोग हुँदैछ।
पदमार्ग निर्माणसँगै पर्यापर्यटनमा थप सहयोग पुग्ने तीब्रेकोट सामुदायिक वन समूहका अध्यक्ष विशालजंग कुँवरले विश्वास व्यक्त गरे । जसबाट कास्कीको पर्यटनमा थप टेवा पुग्ने आशा छ ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१