तनहुँ | तनहूँको शुक्लागण्डकी नगरपालिकामा चितुवाको आक्रमणले १ बालकको मृत्यु भएको छ । बुधबार राती शुक्लागण्डकी २ मसार स्थित घरको पीँढिमा बसिरहेका डेढ बर्षिय रोहन रानालाई चितुवाले आक्रमण गरेको हो । उनको घटनास्थलमा नै मृत्यु भएको बेलचौतारा प्रहरीले जानकारी दिएको छ । उनको शव घरभन्दा केही पर भेटिएको थियो । चितुवाको निशानामा बालबालिका पर्छन् । २०७४ फागुन यता तनहूँका विभिन्न ठाउँमा १० जनाको मृत्यु चितुवाको आक्रमणबाट भएको छ । चितुवाका आहारा वनमा लोप हुँदै गएपछि बस्तीमा पसेको डिभिजन वन कार्यालय तनहुँका प्रमुख केदार बरालले बताए । ‘घरनजिकै सम्म जंगल भैसक्यो । खेती गर्नै छाडे किसानले । पहिले हाम्रा खेतबारी चितुवाका लागि वफर जोन थियो । हतपत त्यो वफर जोन नाघेर आउन सक्दैनथ्यो,’ उनले भने, ‘अहिले वफर जोन नासियो । चितुवाको पहुँच मान्छेका घरसम्म पुग्यो ।’
खासगरी मृग, बँदेल लगायतका जनावर चितुवाका लागि आहारा थिए । अहिले ति जनावरहरु लोप हुँदै गएका छन् । चितुवा मान्छेको आसपास बस्न रुचाउने जनावर पनि हो । ‘विशेषगरी साँझपख आक्रमण गर्छ । त्यो पनि कोही नभएको बेला । ठूला मान्छेलाई भन्दा बालबच्चा छुट्याएर छोप्छ,’ बरालले भने, ‘एकान्तमा भएको घर र साना बालबच्चा चितुवाको निशानामा पर्छन् ।’ असार १७ गते राति आँबुखैरेनी गाउँपालिका–१ समस्तीपुरमा पनि चितुवाको आक्रमणबाट १० वर्षीया अमिषा थापा घाइते भएकी थिइन् । वन कार्यालयले विभिन्न ब्यक्तिहरुको सहयोगमा ८ वटा चितुवा नियन्त्रणमा लिएर राष्ट्रिय निकुञ्जमा छोडेको छ ।
चितुवाको आक्रमण बस्तीमा हुन थालेपछि कार्यालयले जंगलमा आहाराको व्यवस्था गर्न लागेको छ । ‘अब हामी चितुवाको गणना गर्छौं । भानु नगरपालिकाबाटै थाल्ने योजना छ,’ बरालले अघि भने, ‘कति चितुवा छन् र उनीहरुलाई कति आहारा आवश्यक पर्छ त्यसको एकीन हुँदैछ । आवश्यक्ता अनुसार आहारा थपिन्छ ।’ चितुवाबाट धेरै धनजनको क्षति भएको जिल्लाको भानु नगरपालिका क्षेत्रका ४२ हेक्टर जमिनमा ३६ प्वाइन्टमा सिसि क्यामेरा जडान गर्न लागिएका हो । चितुवाले सबैभन्दा धेरै भानु नगरपालिका, शुक्लागण्डकी नगरपालिका, बन्दिपूर गाँउपालिका र व्यास नगरपालिकामा आक्रमण गरेको छ । ४८ आक्रमणमा ५९ पशुधनको क्षति भएको तथ्यांक डिभिजन वनसँग छ । भेडा बाख्रा ३६, गाई ८, सुगँर बँगुर ६ र २ वटा भैंसी चितुवाले मारेको हो । क्षति भएका पशुको राहत दिन २ लाख १८ हजार ५ सय सहयोग गरिएको बरालले बताए ।
यसैबीच, बुधबार राति ज्यान गुमाएका रोहन रानाको परिवारलाई राहत दिईएको छ । डिभिजन वन कार्यालयका प्रमुख केदार बरालले मृतकका बाबु विष्णुबहादुर रानालाई ५० हजार रुपैयाँ हस्तान्तरण गरेका हुन् । चितुवाको आक्रमणबाट मृत्यु भएकाको परिवारलाई सरकारले १० लाख दिने प्रावधान छ । बाँकी रकम प्रक्रिया पूरा भएपछि उपलब्ध गराईने बरालको भनाई छ ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१