पोखरामा घरको छतबाट हाम फालेका युवकमा कोरोना संक्रमण नभएको पुष्टि भएको छ ।
भारतको कर्नाटकदेखि पोखरा आएका २१ वर्षीय ती युवकको पीसीआर टेष्ट नेगेटिभ आएको गण्डकी प्रदेश स्वास्थ्य निर्देशक डा. विनोदविन्दु शर्माले जानकारी दिए । नेपालको सोलुखुम्बु घर भएका ती युवक पोखरा ८ इन्द्रपुरी टोलमा बस्दै आएका थिए । उनी ३ महिना अघिमात्र कामको खोजीमा भारत गएका थिए ।
भारतबाट फर्किएपछि ती युवकमा कोरोना संक्रमण भएको हुन सक्ने त्रासले स्थानीयले प्रहरी गुहारेका थिए । मंगलबार उनलाई क्वारेन्टाइनमा राख्नका लागि उनी बस्ने स्थान पोखरा ८ मा प्रहरी सहित जनप्रतिनिधिको टोली पुग्दा ती युवक घरको छतबाट हाम फालेर भाग्न खोजेका थिए । उनको मंगलबार नै ¥यापिड डायग्नोष्टिक टेष्ट (आरडीटी) नेगेटिभ आएकोमा भोलिपल्ट पीसीआर टेष्टको नतिजा आएको हो ।
गत १ मे तारिखमा भारतबाट हिडेका उनी विभिन्न गाडी फेर्र्दै ३ साता लगाएर पोखरा आएका हुन् । उनका अनुसार हैदरवादका पुलिसले उनलाई ट्रकमै हालेर नेपाल पठाएका थिए । नेपालको नाका छिर्ने बेलामा पुलिसलाई भारु ५ सय दिएपछि छिर्न पाएको जनप्रतिनिधिसँग स्वीकारेका थिए । उनले विभिन्न ठाउँमा स्वास्थ्य परीक्षण समेत गर्दैआएको दाबी गरेका छन् ।
गण्डकीमा हालसम्म ७ सय ५७ जनाको नमुना संकलन भएकोमा ७ सय २७ जनाको परीक्षणमा नेगेटिभ आएको छ । संक्रमित २ जना निको भइ घर फर्किसकेकोमा २८ जनाको नतिजा आउन बाँकी रहेको गण्डकी स्वास्थ्य निर्देशनालयले जनाएको छ ।
यस्तै, हालसम्म ६ हजार ७ सय १६ जनाको आरडीटी गरिएको छ । सबैको नतिजा नेगेटिभ छ ।
यसैबीच, पोखराको लेखनाथ लायन्स सामुदायिक अस्पताललाई प्रदेश मातहत ल्याउन क्षेत्रीय निर्देशनालयले प्रदेशका भौतिक पूर्वाधार विकास मन्त्री रामशरण बस्नेतसमक्ष तयार पारिएको प्रतिवेदन बुधबार हस्तान्तरण गरेका छन् ।
गण्डकीमा हाल पोखरा स्वास्थ्य विज्ञान प्रतिष्ठानअन्तर्गत पश्चिमाञ्चल क्षेत्रीय अस्पताललाई कोरोना ‘डेडिकेटेड’ अस्पतालको रुपमा प्रयोग गरिँदैआएको छ ।
Related News
सम्बन्धित समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
गण्डकीमा सभामुखले संविधान मिचेको कांग्रेसको आरोप
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
मुख्यमन्त्रीलाई विश्वासको मत दिन सकिन्न ः पञ्चराम गुरुङ
hero news full width
मुख्य समाचार
भलिबलमा अटल हिमाल
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१