पोखरा । पार्टी सञ्चालन र सरकारमा समेत अध्यक्ष केपी शर्मा ओलीले हालिमुहाली गर्न थालेको आरोप लगाउँदै नेपाल कम्युनिष्ट पार्टी (नेकपा) का अर्का अध्यक्ष पुष्पकमल दाहाल प्रचण्ड सहितका केही नेताहरुले ओलीको कार्यशैली सच्याउनुपर्ने माग राखेका छन् । उनीहरुले पार्टी गलत बाटोबाट हिडाउने प्रयास गरिएको र नेता कार्यकर्ताको बेवास्ता गरिएको आरोप लगाएका छन् । जसका कारण ओलीलाई प्रधानमन्त्री पद छाड्न दवाव दिइएको छ ।
घटनाक्रम लम्बिँदै गएपछि नेकपामा दुई कित्ता छुट्टिएको छ । सचिवालयमा अहिले ओलीको बहुमत पुगेको दावी गरिएको छ । ओलीसँग बामदेव गौतम, रामबहादुर थापा, ईश्वर पोखरेल र विष्णु पौडेल छन् भने प्रचण्ड सहित बरिष्ठ नेता माधवकुमार नेपाल, झलनाथ खनाल र नारायणकाजी श्रेष्ठ अर्को कित्तामा छन् ।
पार्टीभित्रको अन्तरविरोध टुंग्याउनकै लागि शनिबार (आज) नेकपा सचिवालय बैठक बसिरहेको छ । बैठकमा प्रचण्ड टोलीले स्थायी कमिटीको बैठक माग गर्नेछ । ओलीले यसअघि नै बामदेवलाई प्रधानमन्त्री बनाउने प्रस्ताव अघि सारको थिए भने नेपाललाई तेश्रो अध्यक्ष बनाउने तुरुप फालेका छन् । बामदेवलाई उपचुनाव मार्फत प्रतिनिधिसभामा लैजाने सहमति भएको नेकपा श्रोतले बतायो । यसकै कारण उनी ओली समूहसँग नजिकिएका छन् ।
प्रधानमन्त्री केपी शर्मा ओलीले बैठक अघि राष्ट्रपति विद्यादेवी भण्डारीसँग भेटबार्ता गरेका छन् । सरकारको नियमित कार्यसूची अन्तर्गत भेट गरिएको भनिएपनि बैठकअघिको भेट भएकोले विशेष रुपमा हेरिएको छ ।
त्यसलगत्तै अर्का अध्यक्ष पुष्पकमल दाहाल प्रचण्डसँग पनि उनले भेट गरेका थिए । शनिबारको बैठकमा प्रचण्डको आसन फेरिएको छ । यसअघि अरु नेताकै लहरमा हुने उनको कुर्ची शनिबार प्रधानमन्त्री तथा अध्यक्ष ओलीको आडमा छ ।
नेकपामा दुई अध्यक्ष भएपनि मंसिरको बैठकबाट प्रचण्डलाई कार्यकारी अधिकार दिईएको छ भने ओलीले सरकार सञ्चालन गर्ने निर्णय भएको थियो । केही समयको बैठकमा ओली र प्रचण्डको कुर्ची एउटै लहरमा राखिएपनि पछिल्ला बैठकहरुमा प्रचण्ड अरु नेताहरुसँगै बस्दै आएका थिए ।
वैशाख १७ गते प्रधानन्यायधीश चोलेन्द्र शमशेर राणालाई बालुवाटार बोलाएर कुराकानी गरेका प्रधानमन्त्री ओलीले वैशाख १९ गते अख्तियार प्रमुख नवीन कुमार घिमिरेलाई वालुवाटार बोलाएका थिए । यस्ता भेटघाटले राजनीतिक बृत्तमा थप आशंका पैदा गरेको छ ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
नेविसंघ केन्द्रीय प्रवक्ताको जिम्मेवारी जुम्लाका सुरज सेजुवाललाई
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
hero news full width
मुख्य समाचार
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१