कोरोना भाइरस सङ्क्रमण रोकथाम तथा नियन्त्रणका लागि सरकारले लागू गरेको लकडाउनका कारण जनजीवन प्रभावित भइरहेका बेला यहाँका टोल विकास संस्थाले उत्पादक र उपभोक्तालाई जोड्न क्रियाशील भएका छन् ।
पोखरा–७ स्थित विभिन्न तीन वटा टोल विकास संस्थाले उत्पादक र उपभोक्तालाई जोड्न क्रियाशील भएका हुन् । लकडाउनको कारण देखाउँदै बजारमा अनावश्यकरूपमा चर्को मूल्य बढाइरहेको वर्तमान अवस्थामा उत्पादकले निर्धारण गरेकै मूल्यमा तरकारी बेच्दा टोल छिमेकका उपभोक्ता लाभान्वित भएका छन् । अहिलेको अवस्थामा सर्वसाधारण समस्यामा परिरहेको यथार्थलाई दृष्टिगत गर्दै हेमजामा उत्पादित आलु र गोलभेडा पोखराको तीनकुनेचोक, प्रगति र राधाकृष्ण टोल विकास संस्थाले आप्mना उपभोक्तालाई सर्वसुलभरूपमा बिक्री वितरण गर्दै आएका छन् ।
“लकडाउनका कारण बजारमा जथाभावी मूल्य लिँदा सर्वसाधारण मारमा परेका छन्”, तीनकुने टोल विकास संस्थाका अध्यक्ष गणेश श्रेष्ठले भन्नुभयो, “यो अवस्थासमेतलार्ई हेर्दै हेमजामा उत्पादित आलु र गोलभेडा कृषककै मूल्यमा टोल छिमेकमा घुुम्ती सेवामार्पmत बिक्री वितरण गर्दै आएका छाैँ ।” अप्ठ्यारो परेको बेला आप्mना लागि मात्र सोच गर्ने नभइ सिङ्गो समाजलाई सहयोग गर्नुपर्दछ भन्ने सोचका साथ अभियान शुरु गरिएको बताउँदै उहाँले अहिलेसम्म एक हजार ४०० केजी आलु र ४०० केजी गोलभेडा उपभोक्ताको भान्छामा पु¥याउन सफल भएको राससलाई जानकारी दिनुभयो ।
टोलका अन्य चोकहरुमा समेत घुम्तीरूपमा उपभोक्तालाई सुपथ मूल्यमा ताजा तरकारी उपलब्ध गराउने लक्ष्य रहेको बताउँदै उहाँले प्रतिउपभोक्तालाई साढे दुई केजी आलु र सोही परिणाममा गोलभेडा बिक्री गर्दै आएको बताउनुभयो । प्रगति टोल विकास संस्थाका अध्यक्ष प्रकाश भुजेलका अनुसार हेमजामा उत्पादित ताजा आलु र गोलभेडा प्रतिकेजी रु ४० मा उपभोक्तालाई बिक्री गरिँदै आएको छ ।
बिहानै चोकमा ताजा तरकारी खरिद गर्न उपभोक्ताको भीड लाग्ने गरेको बताउँदै उहाँले भन्नुभयो, “तरकारी खरिद र बिक्री वितरण गर्दा कोरोना भाइरसको जोखिम न्यूनीकरणका लागि सामाजिक दूरीलाई समेत विशेष ध्यान दिने गरिएको छ ।” बिक्री वितरणलाई व्यवस्थित गर्न टोलविकास संस्थाका पदाधिकारी एवं सदस्य तथा स्थानीय बासिन्दाको समेत सहयोग रहने गरेको अर्का राधाकृष्ण टोल विकास संस्थाका अध्यक्ष रुद्रनाथ अधिकारीको भनाइ छ ।
आलु गाउँको रूपमा परिचित हेमजाका कृषकले बारीमा उत्पादन गरेको आलु र गोलभेडा सङ्कलन गरी भ्यानमा राखेर पोखरा पठाउने गरेको बताउँदै स्थानीय दीपेन्द्र श्रेष्ठले भन्नुभयो, “हामीहरुको सानो प्रयासले कृषक र उपभोक्तालाई जोड्न पाउँदा खुशी लागेको छ ।” लकडाउनका कारण घरमै बस्नुपर्ने र बजार पनि बन्द भएसँगै आलु रु ६० र गोलभेडा रु १०० चर्को मूल्यमा खरिद गर्न बाध्य भएका थियौँ, अप्ठ्यारो परेको बेला टोल विकास संस्थाले सुपथ मूल्यमा तरकारी उपलब्ध गराउन पहल गरेको पोखरा–७ प्रगतिटोलकी सुनिता भुजेलले बताउनुभयो । आलु र गोलभेडा खरिद गर्न आउने अधिकांश उपभोक्ताले पोखरा र आसपासमा उत्पादित साग, मुला, काक्रो, सिमीलगायतका अन्य ताजा तरकारीसमेत बिक्री वितरण गर्न सामूहिक धारणा राखेका छन् ।
Related News
सम्बन्धित समाचार
पोखरामा धुवाँको कालो मुस्लो फ्याक्ने ११ गाडी नियन्त्रण
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
मेजर वीरसिंहको १२२ औं जन्मजयन्ती
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१