झापाको गौरादह नगरपालिकाका एक व्यक्तिलाई कोरोनाको आशङ्कामा आइसोलेशनमा राखिएको छ । फ्रान्सबाट कतार हुँदै यही चैत ४ गते नेपाल आएकी कोभिड–१९ द्वारा सङ्क्रमित किशोरीसँगै एउटै विमानमा नेपाल आएका उनलाई भद्रपुरस्थित मेची अस्पालतको आइसोलेशनमा राखिएको जिल्ला विपद् व्यवस्थापन समितिका सचिव जीवन चौँलागाईंले जानकारी दिनुभयो ।
चिकित्सकको निगरानीमा राखिएका उनलाई कोरोना सङ्क्रमण भए नभएको परीक्षणका लागि समस्या भएको मेची अस्पतालका मेडिकल सुपरिटेन्डेन्ट डा पिताम्बर ठाकुरले बताउनुभयो । “लकडाउनका कारण सबै आन्तरिक उडान बन्द छन्, नमूना परीक्षणका लागि सेम्पल कसरी पठाउने ”, प्रतिप्रश्न गर्दै उहाँले भन्नुभयो, “दुई जना मात्रै कोराना सङ्क्रमणका बिरामी आए भने उपचार गर्न मुस्किल छ ।”
उहाँका अनुसार कोरोनाको सङ्क्रमण भए नभएको थाहा पाउन काठमाडौँस्थित शुक्रराज ट्रपिकल तथा सरुवा रोग अस्पतालमा नमूना पठाउनुपर्ने हुन्छ । “सबै आन्तरिक उडान बन्द भएका कारण हामीलाई समस्या भएको हो”, उहाँले भन्नुभयो ।
यता भारतलगायत विभिन्न देशबाट आएका १६ नेपालीलाई मेची नगरपालिकाले धाइजनमा रहेको क्वारेन्टाइनमा राखेको छ । त्यस्तै विभिन्न देशबाट आएका ४० नेपालीलाई होम क्वारेन्टाइनमा राखिएको जिल्ला विपद् व्यवस्थापन समितिका सचिव चौलागार्ईंले जानकारी दिनुभयो ।
उहाँका अनुसार बुद्धशान्ति गाउँपालिकामा १३, भद्रपुरमा ७, विर्तामोडमा १, झापामा १४, हल्दिबारीमा २, अर्जुनधारामा २ र दमकमा एक जना होम क्वारेन्टाइनमा रहेका छन् ।
Related News
सम्बन्धित समाचार
अधिकारी सरकारको वैधताको टुंगो आज !
पोखराको मालेपाटनमा डिभाइडरमा ठोक्किएर कार दुर्घटना
बुटवल पावर कम्पनीले ल्यायो विद्युत् महसुल बढाउने प्रस्ताव
क्षत्री समाज नेपालमा पोखराका रिव, महासचिवमा कृष्ण
यस्तो छ लगानी सम्मेलनको कार्यतालिका
hero news full width
मुख्य समाचार
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
बुढ्यौलीमा भेडीगोठ मोह
वैशाख १६, २०८१पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
वैशाख १६, २०८१जलवायु परिवर्तन असर : मुस्ताङको स्याउ उकालो चढ्दै
वैशाख १५, २०८१त्रासैत्रासमा तंग्रिदै कागबेनी
वैशाख १४, २०८१मनिपालमा अत्याधुनिक एमआरआई मेसिन
वैशाख १३, २०८१