पोखरा । हालैका वर्षहरुमा स्थानीय तहको भ्रष्टाचार बढेको तथ्यांक अख्तियारसँग छ । साविकमा धेरै कार्यालयको काम अहिले स्थानीय तहबाट हुने भएकोले भ्रष्टाचारका उजुरीको अनुपात पनि उसैगरी थपिएको छ । स्थानीय तहसँगै मालपोत र नापीमा हुने घुस लेनदेनका घटनाको फाईल पनि अख्तियारसँग उत्तिकै चाङ छ । मालपोत र नापीका प्राविधिक बिषय सेवाग्राहीलाई खासै जानकारी नहुने र त्यसकै छेकोमा विचौलीयाको हावी बढी छ ।
कास्कीको लेखनाथमा केही दिनअघि मात्रै मालपोत कार्यालयका नासु ३ हजार घुससहित पक्राउ परे । ६ महिनाअघि शाखा अधिकृत नै पक्राउ परे । अघिल्लो वर्ष एकैपटक ६ जना विचौलीया अख्तियारको फन्दामा परे । निरन्तर भैरहने यस्ता घटना नियन्त्रण गर्न नापी कार्यालय कास्कीले नेपालमै पहिलो पटक प्र्रविधिको प्रयोग मार्फत सेवा प्र्रारम्भ गरेको छ । बिचौलीया मार्फत गर्दै आएका अधिकांश काम अब मोवाईल एप्लिकेसनबाट घरमै बसेर गर्न मिल्ने गरी डिजाईन गरिएको हो । सेवाप्रवाहलाई पारदर्शी र छिटोछरितो बनाउन मोबाइल एप तयार गरिएको कार्यालय प्रमुख खिमलाल गौतमले बताए । ‘जग्गा प्रशासनमा भ्रष्टाचार बढेको र अपारदर्शीताका कुरा दिनहुँ उठ््छन् । लेखापढीले सेवाग्राहीसँग लिएको पैसालाई सेवाग्र्राहीले कर्मचारीले घुस खाए भनेर पनि आरोप लगाउँछन्,’ उनले भने, ‘कर्मचारी र सेवाग्राहीसँग सीधा सम्पर्क विस्तार गराउन प्रविधिको प्रयोग गर्नुपर्छ भनेर मोवाईल एप बनाएको हो ।
विचौलीया बिना सेवाग्राहीले आफ्नो काम आफै गर्ने र सबै आरोपलाई चिर्न यसले सहयोग गर्नेछ ।’ उनका अनुसार एप्लिकेसनबाटै सेवाग्राहीले आवश्यक निवेदनको ढाँचा प्राप्त गर्नेछन् भने मन लागेका बेला टोकन मार्फत सेवा लिन सक्नेछन् । भूमि ब्यवस्था, सहकारी तथा गरिबी निवारण मन्त्री पद्याकुमारी अर्यालले एप्लिकेसन सार्वजनिक गरेकी हुन् । उनले सेवा प्रवाहलाई जोडेर धेरैले औंला उठाएको भन्दै होसियारीका साथ काम गर्न र अनुचित लाभमा नफस्न कर्मचारीलाई निर्देशन दिईन् । ‘कसैले जवरजस्त दाग लगाउँदैमा दोषी भईंदैन । कलम र क्यापमा क्यामेरा फिट गरेर अख्तियार छिरेको छ । होसियार रहनु । अनुचित काममा नफस्नु,’ उनी भन्छिन्, ‘हुने काममा ढिलासुस्ती नगर्नु । कानुनले नदिने काममा कतैबाट राजनीतिक दवाव नआउने वातावरण म मिलाउँछु । नाप नक्सामा ठूलै क्रान्ति गर्नुपर्ने छ । देख्ने गरी सुधार गरेर जानु छ । मलाई साथ दिनुस् ।’
मन्त्री अर्यालले हालसाविक गर्दा धेरै गुनासो आएको सुनाइन । ‘हिजो प्रविधि थिएन । फित्ता लिएर अनुमानको भरमा गरेको कामले समस्या परेको हो । अव नीतिगत रुपमै एकीकृत भूमि कानुन बनाउन लागेका छौं,’ उनले भनिन्, ‘हालसाविक गर्दा सबैभन्दा धेरै गुनासो छ । काम गरुँ रातो घरमा पर्ने चिन्ता, नगरुँ सेवाग्राहीले दुख पाउने । अव जबरजस्त परिवर्तन दिनुपर्ने छ ।’ गुनासो रहीत हुने गरी सेवाको शैलि विकास गरिने अर्यालको भनाई छ । ‘गर्ने ठाउँमा हामी छौं । अरुसँग गुनासो गरेर अव उम्किन सकिँदैन । बरु काम गर्ने शैली फेर्नुपर्छ । मालपोत र नापी अव अलगअलग राख्ने होईन । सके एउटै बनाऔं नभएपनि निकट बनाउन लागेका छौं । त्यसपछि एउटा ढोकाबाट छिरेको ब्यक्ति एउटै कोठामा काम सकेर अर्को ढोकाबाट निस्किन्छ,’ उनले भनिन् ।
कार्यक्रममा नापी विभागका महानिर्देशक प्रकाश जोशीले सेवासँग सुशासन कायम गर्ने अभियानमा आफुहरु लागेको बताए । उनले यही एप्लिकेसन देशैभरका नापी कार्यालयमा विस्तार गरिने बताए । एपबाट दैनिक कामको टोकन लिन, फारम भर्न, कित्ताकाट, हालसाविक भिडाउन, नक्सा प्रिन्ट, नक्सा ट्रेस उतार, प्लट रजिष्ट्रर उतार, फिल्ड रेखाङ्कन, क्षेत्रफल ट्रायल चेक, कित्ता एकीकरण जानकारी लिन सकिने छ । काठमाण्डौं स्थित मालपोत कार्यालय कलंकीबाट अनलाईन मार्फत सेवाको जानकारी दिईएको थियो । विभागले ३३ वटा नापी कार्यालयका प्रतिनिधिहरुलाई नाप नक्सा सम्बन्धी सीप विकास तालिम दिएको छ ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१