रुपनारायण ढकाल : पोखरा, २६ माघ । गण्डकी प्रदेश र पाँच नम्बर प्रदेशका होमस्टे विच मितेरी सम्बन्ध गाँस्ने अभियानले थप निरन्तरता पाएको छ । कास्कीको ताङतिङ र बर्दियाको गोविन्दपुर होमस्टे विच मितेरी सम्बन्ध कायम भए लगत्तै यी दुई प्रदेशका अरु चार होमस्टेले पनि मितेरी सम्बन्ध कायम गरेका छन् ।
मितेरी सम्बन्धका माध्यमबाट संस्कृति, सद्भाव र भाइचार अभिवृद्धि गर्दै नेपाल भ्रमण बर्ष २०२० सफल पार्ने उयद्धेश्यले गाउँ पर्यटन प्रबद्र्धन मञ्च (भिटोफ) नेपाल गण्डकीको मुख्य पहलमा यस्तो अभियानको थालनी गरिएको हो । तराईका थारु र पहाडका गुरुङ समुदाद्वारा संचालित होमस्टे विच मितेरी गाँस्ने यी कार्यक्रम जाउँ है घुम्नलाई, मितेरी जोडेर सुरु गरौं भ्रमण बर्षलाई भन्ने नाराका साथ सम्पन्न भएका हुन् ।
यसैक्रममा पर्वत जिल्लाको लप्सीबोट सामुदायिक होमस्टे र बर्दिया जिल्लाको सत्खलुवा सामुदायिक होमस्टे विच पनि हालै मितेरी सम्बन्ध कायम भएको छ । सो अवसरमा लप्सिबोट सामुदायिक होमस्टेकी अध्यक्ष विष्णु कुमारी गुरुङ र वडाअध्यक्ष भूल बहादुर पौडेलको उपस्थिति रहेको थियो । बर्दियाको बारबर्दिया नगरपालिका– ९ को सत्खलुवामा आयोजित कार्यक्रममा गुरुङ र पौडेलले सत्खलुवा सामुदायिक होमस्टेका अध्यक्ष सुरेश आचार्यलाई भाङ्ग्रा लगाईदिएका थिए भने आचार्यले थारु पहिरन पहि¥याइदिएका थिए । कार्यक्रममा बारबर्दिया नगरपालिकाका प्रमुख दुर्गाबहादुर थारु र उपप्रमुख अञ्जु दहितको पनि उपस्थिति रहेको थियो । सत्खलुवाका १० घरमा अहिले होमस्टे सुविधा छ । थप १० घरमा थप्ने योजना पनि रहेको आचार्यले बताए । यहाँ २०७४ सालमा होमस्टे दर्ता गरिएको हो ।
यसैगरी पर्वतको मोदी गाउँपालिका– १ को भुक देउराली नमुना गाउँ सामुदायिक होमस्टे र बर्दियाको मधुवन नगरपालिका स्थित खाता जैविक मार्ग होमस्टे डल्ला बीच पनि मितेरी सम्बन्ध कायम गरिएको छ । सो अवसरमा भुक देउराली होमस्टेका अध्यक्ष टेकबहादुर गुरुङ र वडाअध्यक्ष भुलप्रसाद पौडेलले डल्ला होमस्टेका परशुराम चौधरीलाई भांग्रा लगाइदिएका थिए । कार्यक्रममा शिव सामुदायिक बन उपभोक्ताका अध्यक्ष मंगल थारुले प्रमुख अतिथिको रुपमा भनाई राखेका थिए । भुक देउराली होमस्टे एक बर्ष अघि देखि औपचारिक रुपमा संचालनमा आएको हो । २०६७ सालमा स्थापित डल्ला होमस्टेले भने नैपालकै उत्कृष्ट घोषणा भई एक लाख रुपैयाँ पुरस्कार पनि पाइसकेको छ । संस्कृति, पर्यटन तथा नागरिक उड्डयन मन्त्रालय, तारागाउँ विकास समितिले तेस्रो होमस्टे (घरवास) राष्ट्रिय कार्यशाला गोष्ठीमा सो होमस्टेलाई उत्कृष्ट घोषणा गरेको थियो । डल्ला गाउँका २२ घरमा होमस्टे सुविधा छ । २०७२ सालमा बेलायती राजकुमार ह्यारीले समेत यो होमस्टेको अवलोकन गरिसकेका छन् ।
पहाड र तराईलाई पर्यटन र संस्कृतिका माध्यमबाट जोड्ने उद्धेश्यले मितेरी सम्बन्धको कार्यक्रम अगाडि बढाइएको भिटोफ नेपाल गण्डकीका संस्थापक अध्यक्ष तारानाथ पहारीले जानकारी दिए । यस्तो भाइचाराले नेपाल भ्रमण बर्ष २०२० को उद्देश्यलाई पूरा गर्न समेत सघाउने विश्वास उनले व्यक्त गरे । भिटोफ नेपाल गण्डकीका नवनिर्वाचित अध्यक्ष नवराज अधिकारीले नेपाल प्रकृति, संस्कृति र साहासिक पर्यटनको हिसावले निकै महत्वपूर्ण गन्तव्य रहेको स्मरण गराउँदै संस्कृतिको पाटोलाई बढी जोड दिएर मितेरी साइनोको कार्यक्रम अगाडि बढाइएको बताए ।
सरकारले अगाडि सारेको समृद्ध नेपाल, सुखी नेपालीको नारालाई गाउँ पर्यटनका माध्यमबाट साकारा पार्न सकिने भनाई उनको थियो । टान पश्चिमाञ्चल संघ पोखराका प्रथम उपाध्यक्ष सुशीलराज पौडेलले ग्रामीण पर्यटनको विकास र प्रबद्र्धनका लागि टानले समेत विभिन्न संघसंस्थासँग सहकार्य गर्दै अगाडि बढिरहेको स्मरण गराए । नेपाल पर्यटन बोर्ड र पोखरा पर्यटन परिषद्को प्रबद्र्धन, बर्दिया पोखरा सम्पर्क समाज र टी ट्वान्टी ट्राभलको समन्वय तथा ठाकुर बाबा, मधुबन र बासगढी नगरपालिकाको सहकार्यमा मितेरी सम्बन्धको कार्यक्रम अयोजना गरिएका हुन् । पोखराबाट बर्दियाको ठाकुरद्वारा सम्म टी ट्वाण्टी ट्रावलले वस सेवा समेत आरम्भ गरेको छ ।
Related News
सम्बन्धित समाचार
सीतालाई सामाजिक. बेदबहादुरलाई खानेपानी मन्त्रालयको जिम्मा
सीता सुन्दास र बेदबहादुरलाई मन्त्री बनाउँदै खगराज
मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
hero news full width
मुख्य समाचार
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१