पोखरा । साविक विजेता पोखरा पल्टन यसपालिको पीपीएलमा प्ले अफबाटै वञ्चित बनेको छ ।
पोखरा रंगशालामा जारी पोखरा प्रिमियर लिग (पीपीपएल) टी–२० क्रिकेट प्रतियोगितामा सोमबार एक्सपर्ट धनगढीसँग ५ विकेटले पराजित गर्दै पोखराले यसपालिको यात्रा टुंगाएको हो ।
झिनो ८० रनको लक्ष्य पछ्याएको धनगढीले मात्र ९.१ ओभरमा ५ विकेट गुमाउँदै पूरा गरेको हो ।
पूरै ५ खेलमा २ जितसहित ४ अंकसाथ अंकतालिकामा पाँचौ स्थानमा रहेको धनगढीले प्ले अफ सम्भावना भने जिवित राखेको छ । धनगढी अब एलिमिनेटर खेल्न काठमाडौं र विराटनगरको मंगलबार र बुधबार हुने खेलमा भर परेको छ ।
चारै खेलमा अविजित रहँदै अंकतालिकामा शीर्ष चितवन राइनोजले मंगलबार काठमाडौसँग र तीन खेल जितेर दोस्रो स्थानको बुटवल ब्लाष्टर लिग चरणको अन्तिम खेलमा बुधबार विराटनगर टाइटन्ससँग प्रतिष्पर्धा गर्नेछ ।
चिसो मौसमबीच सोमबार टस जितेर पहिले ब्याटिङ थालेको शरद भेषवाकर कप्तानीको पोखरा पल्टन १६.३ ओभरमै अलआउट हँुदै मात्र ७९ रनमा समेटिएको थियो । उसका लागि आसिफ शेखले ३२ र विनोद भण्डारीले १२ रन बाहेक अन्य ७ ब्याट्म्यानले दोहोरो अंकको योगफल बिनै आउट भए ।
ओपनर कुशल भूर्तेल ६ रन बनाउँदै आउट हुँदा दोस्रो ब्याट्म्यानका रुपमा क्रिज आएका शेखले २९ बल सामना गर्दै ४ चौका हानेर सर्वाधिक ३२ रन बनाएका थिए ।
त्यस्तै, कप्तान शेषवाकर ४ रनमात्र बनाउन सके । उनले दीपक पुनियाको बलमा हिट विकेट लिँदै पेभेलियन फर्किए । रवि इन्दर सिंह खाता नखोल्दै क्याच आउट हुँदा कुशल मल्लले २ रन बनाए ।
धनगढीका अनिल खरेलले ३ विकेट लिँदा दीपक पुनिया, कमलसिंह ऐरी, सागर ढकालले समान २–२ विकेट लिएका थिए ।
धनगढीको जितमा दीपक पुनियाले सर्वाधिक २५ रनको योगदान दिँदा रोड्रिगो थोमसले १५, दीपकसिंह ऐरीले १३, सुभेन्दु पाण्डेले ११ रन, सन्दीप जोराले २ जोडेका थिए । मञ्जित श्रेष्ठ र अमित यादव अविजित खेले । म्यान अफ दी म्याच समेत घोषित पुनियाले १६ बलमा २ चौका र १ छक्का हान्दै २५ रन जोडेका हुन् । पोखराका लागि प्रथमेश डाके र सर्वजित लड्दाले समान २–२ विकेट झार्दा ललित राजवंशीले १ विकेट लिए ।
शनिबार हुने फाइनलमा उपाधि विजेताले २७ लाख जित्नेछन् । पहिलो संस्करणको पीपीएलमा पोखराले चितवनलाई हराउँदै उपाधि जितेको थियो ।
Related News
सम्बन्धित समाचार
पहिले छाती नाप्न गल्ला आउँथे, अहिले एजेन्ट
जग्गाधनीले रोके रुपाताल परियोजनाको काम
चेक बाउन्सको समस्याले व्यवसायी र प्रहरीलाई हैरान
मातहतका कार्यालयको दैनिक प्रगति पेस गर्न मुख्यमन्त्री अधिकारीको निर्देशन
नियन्त्रित मुद्रास्फीति, शोधनान्तर र चालुखाता बचतमा
hero news full width
मुख्य समाचार
फेवाबाट जलकुम्भी हटाउन अभियान सुरु
चुच्चे नक्साको विवादमा तानिएपछि राष्ट्रपतिका आर्थिक विज्ञले दिए राजीनामा
वैशाख ३०, २०८१भाँगो र आलुसँग चामल साटेर गुजारा गर्दै बागलुङको रमुवाका बासिन्दा
वैशाख ३०, २०८१७ श्रष्टालाई गण्डकी प्रज्ञा प्रतिष्ठानको सम्मान
वैशाख २९, २०८१‘घरजग्गा खरिदबिक्री नहुँदा अर्थतन्त्र कमजोर’
वैशाख २९, २०८१२२ महिनामा पनि बनेन हरिचोक–याम्दी खण्डको २ किमी सडक
वैशाख २९, २०८१