पोखरा, ३ कात्तिक । विदेश पैसा जाने हुँदा एलपी ग्यासको प्रयोग नगरी विद्याुतबाट खान पकाउन गण्डकी प्रदेशका सांसद तथा अर्थ तथा विकास समितिका सभापति दीपक कोइरालाले गृहेणीहरुलाई आग्रह गरेका छन् ।

एलपी ग्यास खरिद गर्दा एकैपटक ठूलो रकम खर्च हुने र विद्युतको तुलनामा मंहगो पनि पर्ने हुँदा विजुलीबाट खाना पकाउन उनले गृहेणीहरुलाई आग्रह गरेका हुन् । विजुलीको प्रयोग गरे ब्यापार घाटापनि कमहुने उनको दावी छ ।

शनिबार पोखरा महानगरपालिका वडा नं २७ अर्चले स्थित उन्नतशील महिला समूहको १०औं वार्षिक साधारण सभा तथा ५ औं अधिवेशनको शुभारम्भ गदै उनले उक्त आग्रह गरेका हुन् । दिनकै १८ घण्टा लोडसेडिङ हुँदा एलपीग्यास विकल्प थिएन तर केहीवर्ष यता लोडसेडिङ नरहेकाले खाना पकाउन पानी उमाल्न विजुलीको प्रयोग गर्न सकिने हुँदा क्रमशः एलपी ग्यासको प्रयोग कम गर्दै जान उनले सुझाव दिएका हुन् । साथै उनले नेपालमा विद्युत उत्पादन वढ्दै गएको पनि बताए ।

पोखरा महानगरपालिकाका वडानं २७ का वडाध्यक्ष पूर्णकुमार गुरुङले विकास निर्माणमा आफूहरु सधै क्रियाशील रहेको दागि गर्दै जाइकाले शुरु गरेको पोखरा खानेपानी शुद्धीकरण र पाइप विस्तार योजनाले लेखनाथलाई पनि समेटनु पर्ने गुरुङले माग थियो ।

उक्त अवसरमा सूर्यमणि लामिछाने, सरस्वती नेपाली, आफ्नो भनाई राखेका थिए । सो अवसरमा समूहका सल्लाहकार गोविन्द वाग्ले, ज्येष्ठ सदस्य बाटुली भुजेल, सस्थापक सदस्य सीता लामिछाने,निवर्तमान अध्यक्ष रमा धमला क्षेत्रीलाई सम्मान गरिएकोथियो । कार्यक्रम समूहका अध्यक्ष कमला अधिकारीको अध्यक्षतामा र सचिव सुस्मिता खड्काको संचालन गरेकी थिइन् ।