अखिल नेपाल फुटबल संघ (एन्फा) ले सन् २०२२ को कतार विश्वकप छनोट अन्तर्गत अस्ट्रेलियासँगको खेलका लागि २३ सदस्यीय खेलाडीसहित नेपाली टोलीको मंगलबार घोषणा गरेएको छ।
नेपाली टोलीका मुख्य प्रशिक्षक योहान कालिनले टोलीमा दुई जना खेलाडी परिवर्तन गरेका छन्। कालिनले यसअघि चाइनेज ताइपेइविरुद्धको खेल गुमाएका अजित भण्डारी र नवयुग श्रेष्ठलाई टोलीमा समावेश गरेका छन्। चोटका कारण यसअघि अजित र नवयुग टोलीमा परेका थिएनन्। रवि सिलवाल र विमल राना फेरि टिमबाट बाहिरिएका छन्।
यस पटक प्रशिक्षक कालिनले नेपाली टोलीको कप्तानमा किरण चेम्जोङलाई नै छनोट गरेका छन्। किरण नेपाली टोलीका लागि पहिलो गोलकीपर समेत हुन्। त्यसपछि विकेश कुथु र विशाल श्रेष्ठ समेत गोलकीपरको भुमिकामा रहनेछन्।
टोलीको डिफेण्डरहरुमा सरोज दाहाल, अजित भण्डारी, दीनेश राजवंशी, अनन्त तामाङ, देवेन्द्र तामाङ, रजिन धिमाल र सुमन अर्याल छनोटमा परेका छन्। त्यसैगरी, मिडफिल्डरहरुमा रोहित चन्द, सुनिल बल, रवि पासवान, अन्जन बिष्ट, सुजल श्रेष्ठ, हेमन गुरुङ, विक्रम लामा, तेज तामाङ, सन्तोष तामाङ र विशाल राई छन्। स्ट्राइकरहरुमा विमल घर्तीमगर, अभिषेक रिजाल र नवयुग श्रेष्ठलाई छनोट गरिएको छ।
विश्वकप खेलिसकेको अस्ट्रेलियालाई नेपालले बलियो प्रतिद्वन्द्वीका रुपमा हेरेको छ। नेपालले अस्ट्रेलियासँग असोजको २३ गते खेल्दैछ। खेल क्यानबेरामा असोज २३ गते (१० अक्टोबर) नेपाली समयअनुसार दिउँसो सवा २ बजे (अस्ट्रेलियाको समयअनुसार राति साढे ७ बजे) हुनेछ। फिफा वरीयतामा ११७ स्थान माथि रहेको अस्ट्रेलियाविरुद्ध खेल्नु नेपालका लागि कठिन चुनौती हुनेछ। फिफा वरीयतामा नेपाल १६१ र अस्ट्रेलिया ४४ स्थानमा छन्।
त्यसपछि नेपालले असोजको २८ गते जोर्डनसँग अवे खेल खेल्नेछ। जोर्डनसँगको खेलपनि यही टोलीले खेल्नेछ। नेपाली टोली अस्ट्रेलियाबाट सिधै जोर्डन जाने बताइएको छ। छनोट खेलअघि अस्ट्रेलियामा नेपाली टोलीले प्रशिक्षण र अभ्यास खेल समेत खेल्ने एन्फाले उल्लेख गरेको छ।
नेपाली टोली बुधबार अस्ट्रेलियातर्फ प्रस्थान गर्नेछ। अस्ट्रेलियामा नेपाली टोलीको प्रशिक्षण र अभ्यास खेलको व्यवस्थापन अस्ट्रेलिया नेपाल फुटबल संघले गर्ने जनाइएको छ।
एसियाली देशको दोस्रो चरणको छनोट अन्तर्गत नेपाल समूह ‘बी’ मा रहेको छ। नेपालको समूहमा अस्ट्रेलिया, जोर्डन, कुवेत र चाइनिज ताइपेई छन्। नेपालले छनोटको पहिलो खेलमा कुवेतसँग ७–० गोलको लज्जास्पद हार खेपेको थियो। दोस्रो खेलमा नेपालले ताइपेइमाथि उसकै मैदानमा २–० गोलको जित निकालेको थियो।
सन् २०१९ सेप्टेम्बर ५ देखि सुरु भएको दोस्रो चरणको छनोट खेल सन् २०२० को जुन ९ तारिखसम्म सञ्चालन हुनेछ। नेपालले अस्ट्रेलिया र जोर्डन पछिका चार खेल भने घरेलु मैदान दशरथ रंगशालामा खेल्नेछ। नेपालले कुवेतसँगको दोस्रो खेल नोभेम्बर १९ मा खेल्नेछ।
यसैगरी, नेपालले चाइनिज ताइपेइसँग सन् २०२० को मार्च २६ र जोर्डनसँग सन् २०२० को जुन ४ तारिखमा दशरथ रंगशालामा खेल्नेछ। नेपालले अस्ट्रेलियासँग दोस्रो खेल सन् २०२० को मार्च ३१ मा खेल्नेछ। छनोट खेलका लागि एसियाली फुटबल महासंघ (एएफसी) ले एसियाका ४० देशलाई आठ समूहमा विभाजन गरेको छ। प्रत्येक समूहमा पाँच टोली छन्।
होम एन्ड अवेका आधारमा खेलिने खेलमा दोस्रो चरणको छनोटबाट आठवटै समूहका विजेता र चारवटा उत्कृष्ट उपविजेता गरी १२ टोली तेस्रो चरणमा छनोट हुनेछन्। तेस्रो चरणमा छनोट हुने टोलीले सन् २०२३ को एसियन कप खेल्ने मौका समेत पाउनेछन्।
Related News
सम्बन्धित समाचार
स्पोर्ट्स अवार्डलाई सहयोग आउने क्रम जारी
विद्यालय स्तरीय टी–ट्वान्टी छात्रा क्रिकेट सुरु
पोखरामा एसिया कप ट्रायथलन: इजिप्टका इसमाइल र आइसल्यान्डका इडालाई उपाधि
गण्डकी प्रदेश स्क्वास ¥याकेट संघमा रञ्जित
खेल्छ गण्डकी अभियानमा ३५ बालक सहभागी
hero news full width
मुख्य समाचार
यस्तो छ लगानी सम्मेलनको कार्यतालिका
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१बुढ्यौलीमा भेडीगोठ मोह
वैशाख १६, २०८१पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
वैशाख १६, २०८१जलवायु परिवर्तन असर : मुस्ताङको स्याउ उकालो चढ्दै
वैशाख १५, २०८१त्रासैत्रासमा तंग्रिदै कागबेनी
वैशाख १४, २०८१