नेपाली काँग्रेस केन्द्रीय सदस्य महेश आचार्यले सरकारका गतिविधि कारण नै सरकार नै धरापमा परेको बताएका छन्।
पोखराको भरतपोखरीमा जागरण अभियानको दोस्रो चरणको कार्यक्रम समापन गर्दै उनले दुइतिहाई दम्भका कारण नै सरकार धरापमा परेको बताए। उनले सरकार एकलौटी ढंगबाट चलिरहेको टिप्पणी गरे।
देशको राष्ट्रियता नै खतरामा पर्ने गरी सरकार चलाउँदा अर्थतन्त्रदेखि विकास निर्माणका काम समेत अलपत्रमा परेको उनको भनाइ छ। उनले सरकारभन्दा व्यक्ति बलियो हुने गरी काम गर्दा देश नबन्ने ठोकुवा गरे।
उनले काँग्रेसलाई सत्ता कसरी पुर्याउनेभन्दा पनि लामो संघर्ष र बलिदानबाट आएको संविधान संकटमा पर्छ कि भन्ने चिन्ता रहेको उल्लेख गरे। सत्ताका लागि नभइ जनभावनाको कदर गर्न काँग्रेस जागरणमा जुटेको स्पष्ट पारे।
अर्का केन्द्रीय सदस्य जीवन परियारले सरकारले कुशासन गरिरहेको भन्दै सडकदेखि संसद्सम्म आवाज उठाउनुपर्ने समय आएको बताए।
नेता शुक्रराज शर्माले सबै नेता तथा कार्यकर्ताको ध्यान काँग्रेस बलियो बनाउनेतर्फ हुनुपर्ने बताए।
काँग्रेस नेता यज्ञबहादुर थापाले हार्ने डरले नेकपाका नेता बामदेव गौतम कास्की क्षेत्र २ मा निर्वाचन लड्नबाट पछाडि हटेको जिकिर गरे।
अर्का नेता महादेव गुरुङले सरकार नेकपाको कार्यालय जस्तो भएको भन्दै निन्दा गरे।
त्यस अवसरमा राष्ट्रियसभा सदस्य बृन्दादेवी राना, महासमिति सदस्य देवराज चालिसे, गण्डकी प्रदेशसभा सदस्य बिन्दुकुमार थापा, केन्द्रीय प्रतिनिधि ऋषिकेश तिवारी, नेपाल महिला संघ कास्की सभापति कोपिला रानाभाट, नेपाल तरुण दल कास्की अध्यक्ष मनोज गुरुङ, नवप्रवेशी चेतबहादुर महत र बमबहादुर पुनले बोलेका थिए।
काँग्रेस कास्कीका कार्यवाहक सभापति आइबहादुर गुरुङको अध्यक्षतामा भएको कार्यक्रममा महासमिति सदस्य केसर निर्दाेषीले स्वागत र सचिव सुदीपमोहन भट्टराईले सञ्चालन गरेका थिए।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
नेविसंघ केन्द्रीय प्रवक्ताको जिम्मेवारी जुम्लाका सुरज सेजुवाललाई
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
hero news full width
मुख्य समाचार
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१