पोखरामा सिङ्दी तमु समाजको छैटौं वार्षिक सधारण सभा सम्पन्न भएको छ।

लमजुङको सिङ्दी गाउँबाट विभिन्न पेशा, व्यावसाय गरी बसाइँसराइँ गरी पोखरामा स्थायी/अस्थायी रुपमा बसोबास गरेका सिङ्दीबासीले समाजको छैंठौँ वर्षगाँठ मनाएका हुन्।

समाजका अध्यक्ष बासुदेव गुरुङको सभापतित्वमा सम्पन्न सभालाई क्व्हो सोन्थर गाउँपालिकाका प्रमुख प्रेमबहादुर घले उद्घाटन गरेका थिए।

प्रमुख अतिथि घलेले सिङ्दी तमु समाजको संस्कृति मौलिक जातीय संस्कृति, गुरुङको सभ्य संस्कार प्रशंसा योग्य भएको बताउँदै आफ्नो रितीरिवाज, भेषभूषालगायत तमुका अनेक सांकृतिक पक्षलाई जर्गेना गर्नुपर्ने बताए।

समाजले सिङ्दी गाउँको विकास तथा चिनारीका लागि अतुलनीय योगदान गरेका ३ जना व्यक्तित्वलाई सम्मान गरेको छ।

यसरी सम्मानित हुनेमा सामाजिक क्षेत्रमा डा. राज गुरुङ, खेलकुदमा उत्तम गुरुङ, सांस्कृतिक क्षेत्रबाट हिमालय माविका शिक्षक युवराज गुरुङलाई सम्मान गरेको छ।

कार्यक्रममा सचिव हिरासुब्बा गुरुङले सचिवको प्रतिवेदन र आर्थिक प्रतिवेदन समाजका कोषाध्यक्ष सीताराम गुरुङले प्रस्तुत गरेका थिए।