पोखरा ७ भदौ । दलित आन्दोलनका अगुवा समाजसेवी तथा शिक्षा प्रेमी स्व. भवे सार्कीको पाँचौ स्मृति दिवसको अवसरमा बटुक भोजन एवम शैक्षिक सामग्री वितरण गरिएको छ ।
निरङ्कुससत्तालाई फालेर सबैले समान रुपले बाच्नुपर्छ भनि लड्ने योद्धा भवे सार्की सबैको नेता रहेको नेपाली कांग्रेस कास्की नेतृ सरस्वती गुरुङले बताइन । मानव भएर बाच्न पाउनुपर्छ भन्दै अभियान थाल्ने सजक नेता गुमेको आभास अझै भएको उनले बताइन ।
सहज वातावरणमा जो पनि हिड्नसक्छ, परिवारमा मात्र नभइ सिङ्गो राज्यकै समस्या बोकेर हिडेको व्यक्ति जो भोक भोकै पनि देशको लागि हिडे उनले बताइन । राजनीतिकका साथसाथै शिक्षाको क्षेत्रमा समेत अमूल्य योगदान दिएको बताइन । भवे दाईको समयमा परिवर्तन हुन निकै कठिन थियो अहिले केही सहज छ, अब टेक्नोलोजीमा जानू पर्छ, देशको छुवाछूत , बिभेदको अन्त्य गरेमात्र दाइको आत्माले शान्ति पाउछू गुरुङले भनिन । भवे सार्की स्मृति प्रतिस्ठानको स्थापनाको लागि सहयोग गर्ने प्रतिवद्वता समेत व्यक्त गरिन् । भबे सार्की कास्की र कांग्रेसको मात्र नभइ सिङो देशको अगुवा रहेको उनले बताइन । सोहीक्रममा बोल्दै गुरुङले गण्डकी प्रदेशकै जेठो विद्यालयमा टेक्नोलोजी भित्र्याउन पर्ने बताइन् ।
२०५८ साल देखि राजा विरोधी आन्दोलनको नेतृत्व गरेका भवे सार्कीको पछाडि हिड्दै गर्दा पार्टीप्रतिको योग्दान देख्दा पार्टीले एउटा असल र इमान्दार नेतालाई गुमाएको नेविसंघका केन्द्रीय सदस्य भानु ढकालले बताए । कांग्रेसले भवे सार्कीको योगदानलाई उच्च सम्मानका साथ हेरे पनि आधिकारी कांग्रेसले भने विर्सेको छ । करिब २० वर्ष जति दलित संघको नेतृत्व गरेका उनले लामो समय जातीय छुवाछूतको लागि लड्दै सबै सम्मान भन्ने कुरा स्थापित गराए ढकालले भने । लोकतान्त्रिक आन्दोलन गरेर गए पनि केही समस्या बाँकी रहेको खण्डमा विचार अनुसरण गरि हिड्न पर्ने उनले बताए ।
दलित संघले दलित समुदायमै हुने विभेद हटाउन पर्ने र सबै जात जाती एकै रहेको भन्ने कुरा स्थापित गर्न सके मात्र भवे सार्कीको सपना पूरा हुने ढकालको धारणा राखे ।
स्व. भवे सार्कीका जेठा छोरा गोविन्द नेपालीले बुवाको राजनीतिक लगाव देखेर विदेश जाने मोह हराएको बताए । विदेश गएको भए धेरै कमाइन्थ्यो, तर बुबाको सपना पूरा गर्नु छ त्यसैले राजनीतिमा अएको हुुँ नेपालीले भने । कांग्रेसले परिवारलाइ विर्से पनि परिवारले भने काङ्ग्रेसलाई नबिर्सने उनले बताए ।
वि.सं. २००० साल मा जनिमिएका सार्की २०२८ साल देखि राजनितिमा सक्रिय हुँदै २०४२ सालमा कांग्रेसका सक्रिय सदस्य भएका थिए । वीपीको आदर्शलाइ जस्ताको तस्तै उतार्न सके मात्र नेपाली नागरिकले लोकतन्त्रको महसुस गर्ने सोच भएका सार्की जुत्ता सिलाएरै जिविजोपार्जन गर्थे उनको निधन २०७१ साल भदौमा भएको हो ।
कार्यक्रममा संस्कृत माविका प्रधानध्यापक गोविन्द सिग्देल , विद्यालय व्यवस्थापन समिति सदस्य गणेश थापा, नेपाल दलित संघ क्षेत्रीय सभापति मानबहादुर लाम्गादे, दलित संघ कास्की सभापति दुर्गाबहादुर सुनार , उपाध्यक्ष बाबुराम नेपाली ,मनबहादुर वि. क लगाएतले आआफ्नो भनाइ राखेका थिए ।
Related News
सम्बन्धित समाचार
गण्डकीका ४ सय ६७ स्थानमा डढेलो
बझाङ प्रदेशसभा–१ मा एमालेका भण्डारी विजयी
बिपिसीले ल्यायो विद्युत् महसुल बढाउने प्रस्ताव
क्षत्री समाज नेपालमा पोखराका रिव, महासचिवमा कृष्ण
झोलाबाट अफिस चलाउँदै बाल संगठन
hero news full width
मुख्य समाचार
कक्षा १२ को परीक्षा आउट गर्ने २ जना पक्राउ
गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१अधिकारी सरकारको वैधताको टुंगो आज !
वैशाख १७, २०८१पोखराको मालेपाटनमा डिभाइडरमा ठोक्किएर कार दुर्घटना
वैशाख १७, २०८१बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१