पोखरा । ‘नेपाल फिल्म अवार्ड’ घोषणा गरिएको छ । बलामी इन्टरटेनमेन्ट अन्तर्गतको नेफा मिडिया ग्रुपले पहिलो पटक ‘नेपाल फिल्म अवार्ड–२०७६’को घोषणा गरेको हो ।
२१ जना सिनेपत्रकारहरुको टिम रहेको मिडिया ग्रुपले नेपाली चलचित्रको प्रचार–प्रसार र आन्तरिक पर्यटन प्रवद्र्धनलाई मुख्य उद्देश्यका साथ अवार्ड घोषणा गरेको हो । अवार्डको लागि चलचित्र विकास बोर्ड, नेपाल पर्यटन बोर्ड र काठमाडौँ महानगरपालिकाले आयोजनाको लागि सहकार्य गरेका छन् ।
अवार्डमा पपुलरतर्फ ५ र निर्णायक अधिकारतर्फ १४ विधा रहनेछन् । आयोजकको निर्णयबाट नेपाली चलचित्रप्रति समर्पित व्यक्तित्वलाई लाइफ टाइम एचिभमेन्ट अवार्ड प्रदान गरिने आयोजकले जनाएको छ ।
लाइफटाइम एचिभमेन्टको ट्रफीमा १ तोला सुन र १ लाख ११ हजार १ सय ११ रुपैयाँ प्रदान गरिनेछ । पहिलो पटक प्राइभेट कम्पनीले गर्ने अवार्डमा विजेतालाई ट्रफीसँगै चाँदी र सुन प्रदान गर्न लागिएको यो पहिलो पटक हो ।
अवार्डको निर्णायकमा निर्मातारनिर्देशक आकाश अधिकारी, निर्देशक तथा संचारकर्मी फुलमान वल, छायाँकार विष्णु कल्पित, कलाकार सरिता लामिछाने र निर्देशकरकलाकार अनुप बराल छन् ।
पपुलरतर्फको अवार्ड भने दर्शक भोटिङको आधारमा तय गरिने जानकारी दिइएको छ । पपुलर विधा अन्तर्गत चलचित्र, अभिनेता, अभिनेत्री, महिला गायिका र पुरुष गायिका छन् ।
बेष्ट अवार्डतर्फ चलचित्र, निर्देशक, अभिनेता, अभिनेत्री, नवनिर्देशक, नवअभिनेता, नवअभिनेत्री, सहायक भूमिका, सम्पादक, ध्वनि मिश्रण, पटकथाकार, छायांकार, संगीतकार र आदिवासी जनजाति समावेश गरिएको छ ।
अवार्डको पहिलो संस्करणका लागी निर्णायक समितिमा निर्माता निर्देशक आकाश अधिकारी, निर्देशक तथा सञ्चारकर्मी फुलमान वल, छायाँकार विष्णु कल्पित, कलाकार सरिता लामिछाने र निर्देशक कलाकार अनुप बराल रहेका छन् ।
बलामी इन्टरटेनमेन्टका अध्यक्ष तथा सञ्चारकर्मी समीर बलामीका अनुसार २ करोड लागत अनुमान गरिएको अवार्डलाई चार तहमा विभाजन गरिएको पहिलो चरणमा घोषणा, त्यसपछि मनोनयन सार्वजनिक समारोह, ग्राण्ड अवार्ड समारोह र अन्त्यमा विशेष धन्यवाद समारोह हुँदै २०७६ को चलचित्र अवार्ड सम्पन्न हुनेछ ।
Related News
सम्बन्धित समाचार
सिद्ध र कालिका क्रिकेटको फाइनलमा
पार्टी अफिस बनाउँदै कांग्रेस गण्डकी प्रदेश समिति, बास्तोला तोकिए संयोजक
मानव सेवा अश्रममा खाना खुवाइयो
राप्रपाले साथ नदिने भएपछि अधिकारी सरकार संकटमा, अब के होला ?
क्यानडा पढ्न जानेलाई दूतावासको सुझाव : विद्यार्थीले सोचेजस्तो छैन, विचार गरेर आउनुस्
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१