ज्येष्ठ नागरिक सराकार समाज पोखरा–१९ ले शनिबार लामाचौरमा ज्येष्ठ नागरिक कानूनी सचेतना कार्यक्रमको आयोजना गरेको छ।

ज्येष्ठ नागरिकप्रति गरिने दुव्र्यवहार विरुद्ध विश्व जनचेतना दिवस जुन १५ का अवसरमा आयोजित उक्त कार्यक्रममा विभिन्न वक्ताहरुले ज्येष्ठ नागरिकका कानूनी अधिकारलाई व्यवहारमा उतार्नुपर्नेमाजेाड दिएका थिए।

प्रमुख अतिथिको आशनबाट बोल्दै ज्येष्ठ नागरिक सरोकार समाज गण्डकी प्रदेशका अध्यक्ष कुसुमकेशव पराजुलीले अधिकार लिन जागरुक हुनुपर्नेमा जोड दिए।

ज्येष्ठ नागरिक कानूनी सचेतना अधिकारका बारे जानकारी गराउँदै पोखरा महानगरपालिकाका कानूनी अधिकृत राममणि अधिकारीले कानूनले धेरै हदसम्म ज्येष्ठ नागरिकलाई संरक्षण दिएको उल्लेख गरे।

त्यस अवसरमा समाजका अाजीवन सदस्यहरुलाई सम्मान गरिनुका साथै ज्येष्ठ नागरिकलाई बसमा सिट छोडेर सहयोग गर्ने तीन युवालाई पुरस्कृत गरिएको थियो।

ज्येष्ठ नागरिक समाज पोखरा–१९ का अध्यक्ष सोमराज पौडेलको अध्यक्षतामा भएको उक्त कार्यक्रममा जिल्ला सदस्य विष्णु सापकोटा, भारती भवन माविका पूर्व प्रधानाध्यापक भानुभक्त पौडेल, जनहित सहकारीका अध्यक्ष काशीराम आचार्य, शोभाखर पौडेलस्मृति साहित्यिक प्रतिष्ठानका अध्यक्ष माधव गौतम, स्वास्थ्यचौकी प्रमुख गोविन्द आचार्य, गायिका माया गिरीलगायतले मन्तव्य राखेका थिए।

कार्यक्रममा साहित्यकार नारायण बास्तोलाले कविता वाचन गरेका थिए। सरोकार समाजका उपाध्यक्ष पद्माकुमारी गौतम राधाको स्वागत मन्तव्य रहेको सो कार्यक्रमको सञ्चालन सदस्य दुर्गा बस्नेतले गरेकी थिइन्।