तनहुँ, १४ चैत । राष्ट्रिय सहकारी बैंक लिमिटेड शाखा कार्यालय दमौलीले तनहुँको आबुखैरेनीमा एक दिन क्षेत्रीय अन्तरक्रिया कार्यक्रम बुधवार सम्पन्न गरेका छ ।
अन्तरक्रिया कार्यक्रममा बैंकका सञ्चालक तथा गण्डकी प्रदेशका इन्चार्ज रामबहादुर जिसीले सहकारीहरुको प्रवद्र्धनका लागि बैंक वित्तीय सहयोगका साथै क्षमता विकासमा समन्वय गर्दै आएको बताए ।
सहकारी संघ संस्थालाई सीप, प्रविधि र वित्तीय सहयोग गरी आफ्ना सदस्यहरुलाई उत्पादनमा लगाउन प्रेरित गर्ने, उत्पादित वस्तुको संकलन, बजारीकरण र प्रशोधनका काम सहकारीहरुले गर्नु पर्नेमा जिसीको जोड थियो ।
उत्पादन, प्रशोधन र बजारीकरणमा लाग्ने सहकारीहरुको प्रवद्र्धनका लागि राज्यले सहकारी क्षेत्रको बजेट बैंकमार्फत परिचालन गर्नु पर्ने उनको माग थियो ।
कार्यक्रमका सहभागीहरुले सदस्य संघ संस्थाहरुबाट संकलित पूँजि बैंकले परिचालन गरेकोले ब्याजदर महंगो भएको भन्दै राज्यले सहकारी क्षेत्र र गरिवी निवारणका क्षेत्रमा गर्ने सम्पूर्ण लगानी सहकारी बैंकमार्फत गर्ने व्यवस्था मिलाउन आवश्यक रहेको बताए ।
संविधानले ३ खम्बे अर्थनीति अन्तरगत सहकारीलाई राखे पनि योजना निर्माणमा सहकारी क्षेत्रलाई अझै प्राथमिकतामा नपारेको सहकारीकर्मीहरुको गुनासो थियो । सहभागीहरुले छिटो भन्दा छिटो गोर्खामा राष्ट्रिय सहकारी बैंकको शाखा सञ्चालन गर्न माग गरेका छन् ।
कार्यक्रममा उपभोक्ता सहकारी संघ लिमिटेड गोर्खाका अध्यक्ष रिखिराज द्यौराली, राष्ट्रिय सहकारी बैंक दमौली शाखा समन्वय उपसमितिका सदस्य जीवनाथ अर्याल, आवु खैरेनीस्थित मनकामना बहुउद्देश्यीय सहकारी सस्थाका अध्यक्ष भगवान मल्ल लगायतले आफ्नो भनाई राखेका थिए ।
कार्यक्रम राष्ट्रिय सहकारी बैंक दमौली शाखा समन्वय उपसमितिका संयोजक तथा केन्द्रीय दुग्ध उत्पादक सहकारी संघका वरिष्ठ उपाध्यक्ष अमरबहादुर कुँवरको अध्यक्षता र सहकारी बैंक दमौली शाखाका प्रमुख उपेन्द्र दाहालको सञ्चालनमा सम्पन्न भएको थियो ।
कार्यक्रममा पूर्वी तनहुँ र गोरखाका २६ सहकारी संस्थाका ३७ जना प्रतिनिधिहरुको सहभागिता रहेको थियो ।
Related News
सम्बन्धित समाचार
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
पार्टी अफिस बनाउँदै कांग्रेस गण्डकी प्रदेश समिति, बास्तोला तोकिए संयोजक
मानव सेवा अश्रममा खाना खुवाइयो
राप्रपाले साथ नदिने भएपछि अधिकारी सरकार संकटमा, अब के होला ?
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१