पोखरा, १४ फागुन । साविक विजेता नेपाल पुलिस क्लब पोखरामा जारी आहा आहा रारा गोल्डकप फुटबल प्रतियोगितामा रोकिएको छ । विदेशी डफिन्स फ्यामिली टिम क्यामरुनले विभागीय पुलिसलाई सेमीफाइनल जानबाट रोकेको हो ।
पोखरा रंगशालामा मंगलबार भएको अन्तिम क्वाटरफाइनलमा डफिन्ससँग पुलिस २–१ ले हार्दै प्रतियोगिताबाट बाहिरियो । निर्धारित ९० मिनेटको समयमा दुबैले बराबरी खेल्दा यानिक ओवानाले अतिरिक्त समयको पाँचौ मिनेटमा गरेको गोलले डफिन्सले सेमीफाइनल यात्रा तय ग¥यो ।
डफिन्सको जितमा आन्द्रे थिएरी र यानिक ओवानाको योगदान रह्यो । आन्द्रे थिएरीले खेलको ३७ औं मिनेटमा पहिलो गोल गर्दै डफिन्सलाई अग्रता दिलाए । अहाण्डाको कर्नर बलमा थिएरीले गोल गरेका थिए ।
दायाँ कर्नरबाट अहाण्डाले प्रहार गरेको हाईबललाई पुलिसका रबि पासवानले क्लियर गर्न नसक्दा गोल थिएरीले गोल गरेका थिए । डफिन्सका एनडेम्बा ओवोनाले बललाई छातीले रोक्दै थिएरीलाई मिलाइदिएको बललाई थिएरीले फस्ट बार च्याप्दै आकर्षक गोल गरे ।
सोमबार मात्रै बुटवलबाट तिलोत्तमा गोल्डकपको फाइनल खेलेर पोखरा आइपुगेको चिर परिचित दुबै प्रतिद्धन्द्धि टिमका लागि उक्त खेल प्रतिष्ठाको विषय थियो । तिलोत्तमा गोल्डकपमा सडन डेथमा डफिन्सलाई उपाधी सुम्पेको पुलिसले पोखरामा डटेरै खेल्यो ।
पहिलो हाफदेखि एक गोलले पछि परेको पुलिसले गोल फर्काउन निर्धारित समयको ईञ्जुरी समय कुर्नुप¥यो । पुलिसका लागि सुमन सुवेदीले बराबरी गोल गरे । सुमन लामाको कर्नर बलमा सुमनले फस्ट बार च्याप्दै हेड गोल गरेका थिए ।
मनोज राईको थ्रो बललाई डफिन्सका अहाण्डाले आउट फालेपछि पुलिसलाई कर्नरको अवसर जुरेको थियो । पुलिसले बराबरी गोल गरेपछि प्रशिक्षक अनन्त थापा र टिम व्यवस्थापक ठगबहादुर केसीले समेत आउटलाइनमा रहेर गोलको सेलिब्रेसन गरे ।
थप गरिएको २० मिनेटको अतिरिक्ति समयको पाँचौ मिनेटमा डफिन्सका भरपर्दा स्ट्राइकर यानिक स्टेफेनले टोलीका लागि निर्णायक गोल गरे । यानिक ओवोनाको उक्त गोल नै डफिन्स टोलीका लागि निर्णायक बन्यो ।
डी–एरियाको लाइन बाहिरबाट एनडेम्बा ओवोनाले निकालिदिएको क्रस बलमा यानिकले फस्ट बार च्याप्दै गोल गरे । पुलिसका मनोज राई, रबि पासवान र सुमन सुवेदीको बीचबाट कीपर शत्रुधनसँगको वान भर्सेज वानको स्थितिमा यानिकले गोल गरेका थिए ।
जितपछि डफिन्सका क्याप्टेन जोसेफ मार्सेल गामा अंगोलाले प्रतिद्वन्द्वी फास्ट खेल्ने गरेको प्रतिक्रिया दिए । उनले खेलाडी थकित हुँदा पनि जित आफ्नो पक्षमा आएकोमा खुसी व्यक्त गरे । प्रशिक्षक अनन्तराज थापाले रेफ्रीको निर्णय शैलीलाई आलोचना गरे । उनले विपक्षी डफिन्सका खेलाडीलाई प्रश्रय दिएर कार्ड दिन कञ्जुस्याइँ गरेको आरोप लगाए ।
बुटवलमा सोमबार मात्र फाइनल खेलेर हतारहतार पोखरा आउनुपर्दा खेलाडी पनि थकित भएको प्रशिक्षक अनन्तले बताए ।
आफ्नो टोलीको खेल कौशल राम्रै भएपनि टेक्निकल्ली पराजित हुनुपरेको प्रशिक्षक अनन्तको प्रतिक्रिया थियो । उनले पहिलो हाफको दुई राम्रा अवसर र दोस्रो हाफमा क्याप्टेन भरत शाहको प्रहार क्रसबारमा लागेर फर्किनु दुर्भाग्य भएको बताए ।
खेलको ७३ औं मिनेटमा भरतले गरेको कडा प्रहार क्रसबारमा लागेर फर्किएको थियो । त्यस्तै खेलको ३४ औं मिनेटमा कीपर बिट भएको अवस्थामा नीरकुमार राईको प्रहार सेकेण्ड बार हुँदै बाहिरियो भने ५६ औं मिनेटमा रवि पासवानको लङप्रहार क्रसबार माथिबाट बाहिरियो ।
डफिन्सका आन्द्रे थिएरी म्यान अफ दि म्याच बने । खेल सकिन दुई मिनेट बाँकी रहँदा मुख्य रेफ्री सुदिश पाण्डेले पुलिसका हरि कठायतलाई रेड कार्ड देखाए । उनले विपक्षी औरेलियन इन्नोसेन्ट ओको बोटालाई धकेलेकोमा रेफ्री सुदेशकुमार पाण्डेले रेड कार्ड दिएका हुन् ।
डफिन्स, तीन हप्ता अगाडि पोखरामा सम्पन्न मनकामना केबुलकार पोखरा कपको विजेतासमेत हो । डफिन्सले यस सिजनको बुढासुब्बा गोल्डकप र तिलोत्तमा गोल्डकपसमेत जित्दै यस संस्करणको आहा रारा गोल्ड कपको उपाधि जित्ने दाउमा छ ।
सेमीफाइनलमा डफिन्सले विहिबार अर्को विभागीय सेनाको त्रिभुवन आर्मीसँग फाइनलका लागि प्रतिष्पर्धा गर्नेछ । यसअघि, आर्मीले हिमालयन शेर्पालाई ३–१ ले पाखा लगाउँदै सेमीफाइनल पुगेको हो ।
बुधबार, ललितपुरको रुस्लान थ्रीस्टार क्लब र विभागीय शसश्त्र प्रहरी बलको एपीएफबीच पहिलो सेमीफाइनल खेल हुने आयोजक सहारा क्लबले जनाएको छ । एपीएफले सहिद स्मारक लिग विजेता मनाङ मस्र्याङ्दीलाई १–० ले स्तब्ध पार्दै सेमीफाइनल यात्रा गरेको हो ।
रुस्लान थ्री–स्टारले भने पाहुना टोली भारतको युनाइटेड सिक्किम फुटबल क्लबलाई ५–२ को फराकिलो गोल अन्तरले हराउँदै सेमीफाइनल पुगेको हो ।
गण्डकी प्रदेश मुख्यमन्त्री पृथ्वीसुब्बा गुरुङले मुख्य रेफ्री सुदिश पाण्डेलाई बल हस्तान्तरण गरी मंगलबारको खेल उद्घाटन गरेका हुन् । उनले आहा रारा गोल्ड कप फुटबल पोखराकै पहिचान भएको बताए । प्र्रतियोगितालाई सफल बनाउन आम पोखरेलीसँग मुख्यमन्त्री गुरुङले आग्रह गरे ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१