लमजुङ, १२ फागुन । हिमाली पारीको जिल्ला मनाङमा परेको हिउँ पग्लिन सकेको छैन । तर यहाँका विद्यालय हिउँमै खुल्न थालेका छन् ।
मनाङमा फागुन १ देखि नयाँ शैक्षिक सत्र सुरु हुन्छ । त्योसँगै मनाङका विद्यालय खुल्न थालेका हुन् । नासों गाउँपालिका– ५ थोंचेस्थित प्रकाशज्योति माविका प्रधानाध्यापक पदमराज पन्थीले फागुन १ गतेबाट विद्यालय सञ्चालनमा आएकोे पन्थीले बताए । मनाङको सदरमुकाम चामेस्थित लोकप्रिय माविमा भने माघ २० गतेदेखि नै पठनपाठन सुरु गरिएको प्रधानाध्यपक सुरेश थापाले जानकारी दिए । उनका अनुसार आवसीय विद्यालयको रुपमा सञ्चालन गरिएको उक्त विद्यालयमा २ सय ६१ जना विद्यार्थी छन् ।
चामे गाउँपालिका– १ तिमाङस्थित गौरीशंकर आधारभूत विद्यालयका प्रधानाध्यापक कमलजंग गुरुङले हिमपातका बीच पठनपाठन शुरु गरिएको जानकारी दिए । उनका अनुसार हिउँ परे पनि विद्यालयमा पढाई प्रभावित हुने अवस्था भने छैन ।
मनाङमा चार गाउँपालिका छन् । तल्लो क्षेत्रमा पर्नेे नासों गाउँपालिका र बीचको चामे गाउँपालिकाका विद्यालयले पठनपाठन थालेका हुन् ।
माथिल्लो भेगको मनाङ ङिस्याङ र नार्पाभूमि गाउँपालिकाका विद्यालय भने फागुन १६ पछि खुल्ने भएको शिक्षा इकाई मनाङले जनाएको छ । चामे र नासो गाउँपालिका विद्यालयहरुले हिउँका वीच पनि पढाई सुरु गरेका छन् । विद्यालय खुलेसँगै भर्ना अभियान पनि सञ्चालन गरिएको शिक्षकहरूले बताए । जाडो छल्न काठमाडौं र पोखरालगायत जिल्ला बाहिर पुगेका अधिकांश विद्यार्थी अभिभावकसँगै गाउँमा फर्केका छन् । वार्षिक परीक्षा सकेर पुस पहिलो साता विद्यार्थी जाडो र हिमपात छल्न शहर झरेका थिए ।
नासों गाउँपालिका– १ तालमा रहेको भानु माविका शिक्षक सिंहबहादुर गुरुङका अनुसार विद्यालय खुलेसँगै विद्यार्थी भर्ना हुन थालेका छन् ।
मनाङको तल्लो क्षेत्रको चामे नासों गाउँपालिकाका १५ वटा विद्यालय खुलेको शिक्षा विकास तथा समन्वय एकाइका प्रमुख खुलानाथ गौतमले बताए । उनका अनुसार मनाङ ङिस्याङ गाउँपालिका र नार्पाभूमिका ११ वटा विद्यालयमा भने पठनपाठन शुरु भएको छैन । ती विद्यालयमा फागुन १६ गतेबाट पठनपाठन सुरु हुने कार्यक्रम छ ।
मनाङमा २६ वटा सामुदायिक विद्यालय छन् । यसमा कक्षा १२ सम्म पढाई हुने २ वटा मावि र कक्षा १० सम्म पढाई हुने २ वटा मावि छन् । बाँकी आधारभूत विद्यालयहरु रहेको गौतमले जानकारी दिए ।
Related News
सम्बन्धित समाचार
रुसी सेनामा आबद्ध नेपाली फिर्ता ल्याउन उच्चस्तरमा कूटनीतिक पहल गर्छुः प्रधानमन्त्री
सुरु भयो ट्राफिक सप्ताह, मुख्यमन्त्रीले गरे उद्घाटन
लालबहादुर चण्डेश्वरी संगीत पुरस्कार मीरा र ध्रुवेशचन्द्रलाई
महिलाको लगानीमा सरफ उद्योग सञ्चालन
स्वतन्त्र प्रेसले मात्र लोकतन्त्र सुदृढ हुन्छ : राष्ट्रपति
hero news full width
मुख्य समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१